InfoHub Logo

Astana qalasy Gýmanıtarlyq kolejiniń
mýzyka pániniń muǵalimi Bazarova Aıagoz Ýmertaevna

Mektepke deıingi tárbıeshiniń mýzyka sabaǵyndaǵy roli

Tárbıeshiniń jeke basynyń jas janǵa etetin yqpal oqýlyqtarmen de, jaqsy ádet - ǵurypty qulaqqa sińiretin ýaǵyzben de, jazalaý jáne madaqtaý júıesimen de, aýystyrýǵa kónbeıtin tárbıeleýshilik kúshke ıe. (K. D. Ýshınskıı)

Shyǵarmashylyq jumystyń ózektiligi: Mýzyka mektepaldy balasynyń ómirinde pedagog áreketiniń belsendi uıymdastyrýshylyǵy arqasynda qoldanys tabýy tıis. Balalardyń mýzykalyq qabiletteriniń damýy kóbine mýzykalyq jetekshi men tárbıeshiler jumysynyń túıisýine baılanysty bolady. Mýzyka jetekshisi men tárbıeshiler árekettestiginde balalardyń mýzykalyq damýy boıynsha jumysty birlesip josparlap olardyń uǵymdary men áreketteriniń jalpy maǵynasyn qalyptastyrýlaryn salystyrýǵa baǵyttalǵan ınısıatıva almasý qajet. Osy turǵydan alǵanda balabaqshadaǵy tárbıeshiniń mýzykalyq saýattylyq jáne quzyrlyǵy máselesi ózektiligin joımaıtyny sózsiz.

Balabaqshadaǵy sábılik shaǵynan tárbıelenip kele jatqan balada mýzykany tyńdaý, ony túsiný, este saqtaý, ajyrata bilý, án salý, bı bıleý, aspaptardy taný qabiletteri birte - birte qalyptasady. Al, balabaqshaǵa qamtylǵan balanyń boıyna qysqa merzim ishinde atalǵan bilim daǵdylaryn qalyptastyrý mýzyka jetekshisiniń aldyna qoıylǵan aýmaqty da, jaýapty isi bolǵandyqtan mektepke deıingi mekeme tárbıeshisi jas urpaqty jan - jaqty damytyp, tárbıe berip, onyń ómirge, eńbekke daıarlaý bala tárbıesi jaıynda otbasyna kómektesý pedagogıkalyq bilimdi kópshilik arasyna nasıhattaý sıaqty ári jaýapty, ári qadirli qoǵamdyq mindet atqarady.

Shyǵarmashylyq jumystyń maqsaty: Bolashaq tárbıeshiniń mýzyka sabaǵyndaǵy balanyń jeke basynyń adamgershilik qasıetterin ashý úshin qajetti jaǵdaılar týǵyzý jáne jeke tulǵanyń jalpy mádenıetiniń alǵashqy túp negizderin qalyptastyrý.
Shyǵarmashylyq jumystyń mindeti:
• Mýzyka sabaǵyndaǵy tárbıeshi únemi jınaqy, taza, uqypty júrýge, sóılegen sózi mándi, oıly bolýy kerek.
•Tárbıeshi mýzyka sabaǵynda óziniń minezin, júris turysyn jónge salyp uıymdastyra bilýi kerek.
• Arnaýly mýzykalyq saýattylyq bilimin daǵdylandyryp meńgerýi tıis.
• Balalarmen mýzyka sabaǵynda sóılese bilip kóz qarasymen de, ymymen de óz oıyn túsindire bilýi kerek.
• Tárbıeshi mýzykaǵa qalypty qyzyǵýshylyǵyn, ár túrli mýzykaǵa emosıalyq sezgishtigin qalyptastyrý jáne damytý;
• Bı bıleý jáne án salý daǵdylaryn qalyptastyra bilý;
• Tárbıeshi qarapaıym balalar mýzykalyq aspaptardy taný, mýzykalyq qabyldaýyn, este saqtaýyn damytý;