InfoHub Logo

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń tárbıeshisi
Sısenbekova Alıa Ozganbaevna

Bilim berý salasy: Qatynas
Oqý is - áreketi: Til damytý
Taqyryby: «Úı janýarlary»
Maqsaty: Úı janýarlary jaıynda bilimderin bekitý. Janýarlardy ózgeshelikterine baılanysty salystyra bilý.
Damytýshylyǵy: Balalardyń sózdik qoryn molaıtý, este saqtaý jáne oılaý qabiletterin damytý.
Tárbıelik: Úı janýarlaryn kútýge, qorǵaýǵa, qamqorlyq jasaýǵa tárbıeleý.
Kórnekiligi: Úı janýarlarynyń sýretteri.
Ádis - tásili: Kórsetý, túsindirý, suraq - jaýap, sergitý sáti, qorytyndy.
Shattyq sheńberi: Bala, bala, balamyz
Baqshamyzǵa baramyz.
Kúni boıy qyzyqqa
Batamyzda qalamyz.
Tárbıeshi: Balalar qazir jyldyń qaı mezgili?
Balalar: Kóktem mezgili.
Tárbıeshi: Kóktem mezgili neshe aıdan turady?.
Balalar: 3 aıdan turady.
Tárbıeshi: Kóktem mezgiliniń aılary qandaı?
Balalar: naýryz, sáýir, mamyr.
Tárbıeshi: Senderdiń búgingi kúnderińe sáttilik tileımin. Balalar búgingi oqý is - áreketi til damytý sabaǵy.
Taqyryby: «Úı janýarlary»
Tárbıeshi: Úı janýarlaryna qandaı janýarlar jatady?
Balalar: Úı janýarlaryna túıe, sıyr, qoı, eshki, ıt, mysyq, jylqy jatady.
Tárbıeshi: Úı janýarlary qaıda júredi? Ormanda ma, úıde me?
Balalar: - Biz úı janýarlaryn úıde baǵamyz.
Tárbıeshi: - Úı janýarlaryn sýretter arqyly kórsetedi. Mynaý qandaı úı janýary?
Balalar: - Sıyr
Tárbıeshi: - Tóli qalaı atalady?
Balalar: - Buzaý.
Tárbıeshi: - Mynaý qandaı janýar? Onyń tóli qalaı atalady?
Balalar: - Túıe, tóli bota.
Tárbıeshi: - Mynaý qandaı janýar? Onyń tóli qalaı atalady?
Balalar: - Jylqy, tóli qulyn.
Tárbıeshi: - Mynaý qandaı janýar? Tóli qalaı atalady?
Balalar: - Qoı, tóli qozy.
Tárbıeshi: - Mynaý qandaı janýar? Onyń tóli qalaı atalady?
Balalar: - Eshki, tóli laq.
Tárbıeshi: - Mynaý qandaı janýar? Onyń balasy qalaı atalady?
Balalar: - Mysyq, balasy marǵaý.
Tárbıeshi: - Mynaý qandaı janýar? Onyń balasy qalaı atalady?
Balalar: - It, balasy kúshik.
Tárbıshi: - Olardy nege úı janýarlary deımiz?
Sebebi, adamdar qorada jem berip, shóp berip, sý berip kútip baǵady. Eger qaramaı dalaǵa jiberip qoısa, qasqyrlar jep qoıady.
- Úı janýarlarynyń qandaı paıdasy bar?
Balalar: - Sútin ishemiz, etin jeımiz. Júninen kıim tigedi.
3. Jumbaqtar sheshý.
- Endi men senderge jumbaqtar jasyramyn.
1. Basynda eki taıaǵy bar
Tórt aıaǵy bar,
Segiz tuıaǵy bar
Ieginde saqaly bar. (Eshki)

2. Qamys qulaq, tostaǵan tuıaq,
Minseń - qanat, súti – dári, eti – tamaq. (Jylqy)

3. Kezikti bir janýar
Ústinde eki taýy bar. (Túıe)
4. Kishkene ǵana boıy bar,
Aınaldyryp kıgen tony bar. (Qoı)

4. Sergitý sáti.
Tárbıeshi: Qane, balalar boıymyzdy sergitip alaıyq.
- Balalar «Tólder» jyryn bilemiz be? Olaı bolsa «Tólder» jyryn qımylmen oryndaıyq.
5. Oıyn: «Daýysynan tany»
Sharty: Úntaspadan janýarlardyń daýsyn salady, balalar qaı janýarlardyń daýsy ekenin tabady.
Qorytyndylaý:
Tárbıeshi: Búgin qandaı janýarlarmen tanystyq?
Balalar: Úı janýarlarymen tanystyq.
Tárbıeshi: Úı janýarlaryna qandaı janýarlar jatady eken?
Balalar: Sıyr, túıe, qoı, eshki, jylqy, ıt, mysyq.
Tárbıeshi: Jaqsy balalar, árqashan úı janýarlaryna qamqorlyq jasap júrýimiz kerek.
Balalar sabaqqa óte jaqsy qatystyńdar. Oqý is - áreketi aıaqtaldy. Kelgen qonaqtarymyzǵa saý bolyńyz aıtamyz.