InfoHub Logo

Pavlodar oblysy, Ekibastuz qalasy.
Bastaýysh synyp muǵalimi
Erlanova Dıdar Erlanqyzy

Qazaq tili 4 synyp
Sabaqtyń taqyryby: Zat esimniń septelýi
Sabaqtyń maqsaty:
1) Zat esimniń septelý júıesin jáne septik jalǵaýlarynyń emlesin meńgertý, sóıleý kezinde septik jalǵaýlaryn durys qoldana bilýge úıretý.
2) Oqýshylardyń saýatty jazý daǵdylaryn jetildirý, sózdik qoryn baıytý, baılanystyryp sóıleý daǵdysyn odan ári damytý.
3) Oqýshylardy tapqyrlyqqa, eńbekshildikke, ana tilin qadirleýge tárbıeleý.
Sabaqtyń kórnekiligi: Syzbalar, kesteler.

Sabaqtyń barysy:
İ. Uıymdastyrý kezeńi.
Úlkenge de «siz»
Kishige de «siz»
Sálem berdik sizderge
Qurmetpenen biz

Qazir bizde qazaq tili sabaǵy.
Taqtada:
Z T S
M N Ń S P T L Ý
A E İ İ E E İ
Endeshe búgingi sabaǵymyzdyń taqyryby: «Zat esimniń septelýi» Slaıd 1

Ár oqýshy «bilim perdesi» atty baǵalaý paraqshasy boıynsha ózderin baǵalaıdy.

Oqýshylar ózderiniń aty - jónin jazyp shyǵady.
Taqtaǵa «Jetigen» aspabynyń sýreti ilinedi.
Ertegi:
«Erte - erte ertede, eshki júni bórtede, zat esim jerinde, qazaq tili elinde Septik degen shal bolypty. Elde jut bolyp, asharshylyq jaılapty. Bul asharshylyq Septik shaldyń úıine de kelip jetipti. Ataý atty uly qaıtys bolǵanda shal aǵashqa attyń qylyn kerip, tıeginiń ornyna qoıypty da, únsiz egilipti. Aı ótken soń İlik degen uly ólgende taǵy bir ishek taǵyp, «neniń zıany, kimniń kózi tıdi eken?» - dep egiledi.
Aı ótken soń Barys atty uly dúnıeden ótedi. Sonda shal taǵy úshinshi ishek taǵyp «kimge aıtyp jylaıyn nege ǵana óldi eken?»dep joqtaý aıtady. Tabys atty uly ólgende «neni aıtyp, kimdi ǵana qarǵaıyn?»- deıdi. Jatys atty uly da ashtyqtan ólgende aǵashqa besinshi ishek taǵylyp, «nede, kimde eken sebebi? - dep jylaıdy. Shyǵys uly da qaıtys bolady, altynshy ishek taǵylyp «neden qaıtys boldyń, kimnen seni suraımyn?»dep egiledi. Kómektesi de sol asharshylyqtan qaıtys bolǵanda «kimmen ómir súrmekpin, nemen endi shuǵyldanamyn?»dep joqtaý aıtyp egiledi. Sodan 7 ishek, 7 tıek taǵylyp «jetigen»aspaby paıda bolypty. Osy aspap arqyly Shal muńyn halyqqa jetkizgen desedi.
Slaıd 4

İ. Ekeýara jumys
Oqýshylarǵa septik ataýlary taratylyp beriledi: Ataý, ilik, barys tabys jatys shyǵys, kómektes, ataý, ilik barys. Ár jup berilgen ataý boıynsha 5 sózden jazady.
Mysaly. Taqtada 2 oqýshy jazady.