InfoHub Logo

Esirtki...  Estigende qulaqqa túrpideı qadalatyn jaǵymsyz sóz eken. Ataýynyń maǵynasyna úńiler bolsam, adamnyń sanasyn ýlap, esersoqqa aınaldyratyn dúnıe sekildi. Dúnıe degenim qanshalyqty durys bolar eken? Árıne, bul dúnıe deýge kelmeıtin ýly zat. Jalpy tirshilik ataýyna nuqsan keltirip, tamyryna balta shabatyn hımıalyq ónim. Esirtki-adamzattyń  jaýy.  Sondyqtan meniń túsinigimde esirtki jamandyqtyń belgisi ispetti. Men jas bolsam da túrli aqparat kózderinen, tanymdyq sabaqtardan esirtkiniń zıandy zat ekenin uǵynyp júrmin. Esirtki- qoǵamnyń derti, ómirdiń ashshy ózegi. Ómir- adamzattyń táp-tátti syıy. Osy syıdy qalaı qabyldap, qalaı  baǵalaıtyny adamnyń ózine baılanysty. Keı jandar ómirden adasyp, esirtkimen ýlanyp ómirin óksikpen ótkizýde. Olardy kórip jan túrshigedi. Sábılik kóńilim eriksiz aıaýshylyqqa shomylady. Ol janǵa baryp: «Ómirińdi óksitpe! Tasta myna báleni! Aıaqqa salyp, tapta! Deneńdi tazart!»-dep aıqaılaǵym keledi. Átteń, biraq.... Ol qolymnan kelmeıdi. Meni tyńdar deısiń be? Qanshama jan taǵdyr tálkegine túsip, otbasynan, balalarynan, dostarynan ajyrap jatyr. Árıne, ishim qan jylaıdy.  Sondyqtan búgin qolyma qalam alyp, barsha dostaryma  úndeý jarıalaǵym keledi. Múmkin , dostyq aqylym dep túsiner.

Dostar, esirtkiden boıdy aýlaq ustaıyq! Salaýatty ómir saltyn ustanaıyq! Sportpen shuǵyldanaıyq!  Qoǵamnyń dertin birge jeńeıik! Ómirimizdi mándi, kóńildi ótkizeıik!   Ómirdiń basty baılyǵy- adam ómiri. Olaı bolsa, adam ómirin óltiretin esirtkini bul qoǵamnan qýyp shyǵaıyq! Esirtki- júıke júıesin ýlandyratyn hımıalyq ónim. Esirtkini tutynǵan jan aqylynan eriksiz adasady. Alla bizge basqa tirshilikten erekshe etip sana syılady. Sanamyzdy ýlap, eń baǵaly baılyǵymyzdy qolymyzdan ushyrmaıyq!  Eń bastysy   adamı bolmysymyzdy joǵaltpaıyq! Men búgin saǵan  esirtki jaıly aıtyp berdim.  Sen de maǵan qosyl! Biz esirtkige qarsymyz! Qaısar qazaqtyń tekti urpaǵy- sanasyn esirtkige ýlamaıtyn rýhty halyq ! Ultymyzdyń batyrlyǵy men tektiligin kórseteıik!

#ÝPNDPKZO 

Z.Shúkirov atyndaǵy №20 orta mektebiniń

7-synyp oqýshysy Shómen Maqsat                                                                                  

---