InfoHub Logo

«Men jáne tabıǵat»
Synyp saǵatynyń tárbıelik maqsaty: tabıǵatqa degen rýhanı - sanaly qarym - qatynasty qurastyrý, adamnyń tabıǵattyń bir bólshegi ekendigin dáleldeý, oqýshylardyń ekologıalyq mádenıetin, adamgershilik izgiligi men jaýapkershiligin, tabıǵat qorǵaýdyń ǵylymı - teorıalyq negizin ekologıalyq turǵyda túsindirip, oqýshynyń óz ólkesindegi, jalpy dúnıedegi tabıǵatqa degen parasatyn, jaýapkershiligin tárbıelep, arttyrý.

Oqýshylardy azamattyq qozǵalys degen uǵymmen jáne Semeı polıgonynyń damý tarıhymen tanystyrý. Adam tabıǵattyń bir bóligi ekeniń, tabıǵattyń kúıreýi adamzattyń joǵalýyna ákelip soǵatynyn túsindirý, jetkizý. Oqýshylardyń azamattyq kózqarastaryn qalyptastyrý, qozǵalystyń týý tarıhymen tanystyrý. Semeı polıgonynan maǵlumat berý, qazirgi tańdaǵy adamzat aldynda turǵan ekologıalyq problemalardy sheshý joldaryn kórsetý.
Jabdyqtaý: tabıǵat týraly danalyq sózder, plakattar, sýretter, testter.
Ótkizý nysany: áńgimelesý, pikir almasý, test, zań baptary.
Daıyndyq jumysy:
1. Taqyrypqa baılanysty materıal jınaqtaý
2. Oqýshylarmen sóılesý
3. Kórnekilikter daıyndaý

Kórkemdeý maqsatynda ilinetin sózder:
1. QR Zańynyń 38 baby: Qazaqstan Respýblıkasynyń azamattary tabıǵatty saqtaýǵa jáne tabıǵı baılyqtarǵa uqyptylyqpen qaraýǵa mindetti
2. Jer taǵdyry – el taǵdyry
3. Adam – tabıǵattyń bir bólshegi
4. Tabıǵat adam úshin jaratylypty

Bar qyzyq tabıǵattan taratylypty
Synyp saǵatyn ótkizý jospary:
1. Muǵalim sózi.
2. Oqýshylar daıyndaǵan materıaldy oqý, talqylaý
3. Pikir almasý. Sýretterdi talqylaý
4. Test suraqtaryna jaýap berý, talqylaý
6. Qorytyndy

SYNYP SAǴATYNYŃ BARYSY
Men taptym tabıǵattan kemeldikti,
Páktikti, ulylyqty, sheberlikti.
Áli tur aınalamda joǵalmastan,
Joǵalyp ketse daǵy neler myqty...
(B. Aldamjarov)

1. Muǵalim sózi:
- Sálemetsizder me?
- Uldar, qyzdar jan jaqtaryńa qarańdarshy. Qabyrǵada ilinip turǵan sózderge nazar aýdaryp, oqyńdar (uqpaǵan sózderdi túsindiredi)
- Búgingi taqyryp tabıǵatqa, Jer ekologıasyna, onyń ishinde Qazaqstan ekologıasyna ıaǵnı bizdiń ólkemizdiń ekologıasyna arnalǵanyn uqqan shyǵarsyńdar.
- Ekologıa degen ne?
(oqýshylar pikirin tyńdaý)
Ekologıa - «eıkos» - úı, «logos» - bilim – qorshaǵan orta týraly bilim degen sózdi bildiredi. Al endi, biz tabıǵattyń bólshekterin qarastyryp shyǵaıyq. Qorshaǵan ortanyń ekologıasyn zertteıik.

2. Tabıǵat baılyqtarynyń ishindegi tirshilik ataýlynyń ómirlik ózegi, ańsar armany - taza aýa
Bolmasyn aýa eshkimniń arman, muny,
Aýadan artyq as joq jalǵanda uly.
Oılashy, kimge bolamyz biz,
Jutýdan taza qalǵan kúni.
Bola almas aspan uıa zaýalyna,
Jaýlardy tartar ýaqyt jaýabyna.
Bombasyn jer men sýda synatpaımyz,
Ýlaýǵa jol bermeımiz aýany da.

Ekologıalyq aýa problemalardy atańdarshy? Ekologıalyq daǵdarystyń negizgi sebebi nede?
- ormandy joıý;
- atmosferaǵa jyl saıyn 30 mıllıondaı lastaýshy zattar laqtyrylady;
- Kólik aýany, qorshaǵan ortany lastaı ma? (oqýshylardy tyńdaý)