InfoHub Logo

Mektep - baldaı tátti bala shaqtyń demeýshisi bola bilgen kıeli oryn. 11 jyl boıy tarydaı oqýshyny ómirdiń barlyq ıirimderine beıimdeı otyra, parasattylyq pen adamı qundylyqtardy boıymyzǵa darytady.

Eseıer shaq jetip, mekteppen qoshtasýǵa taıaý qalǵan kezimizde ustazdarymyz mamandyq tańdaýdan jańylyspaýdyń aldyn alyp, barlyq sharany qoldanady. 

Óz basym, mektebimde úzdik ári belsendi oqýshylardyń aldy boldym. Túrli qoǵamda mańyzy bar respýblıkalyq jarystarda boı kórsettim. Árıne, neshe túrli deńgeıli jarystarda júlde alǵan soń,ustazdarym meniń keleshegimnen zor úmit kútetin edi. Osylaısha, barlyq oqytýshylarym meniń boıymdaǵy daryndy jýrnalısıka atty zańǵar shyńmen baılanystyratyn.  Ubt-dan alǵan balym kóńil kónshiterlikteı bolǵan soń,  alyptardy tárbıelegen, úzdikterge qanat bitirgen Ál-Farabı atyndaǵy QazUÝ-ǵa túsý kezekti maqsatyma aınaldy. Bilesiz be, elimizdegi shoqtyǵy bıik bolǵan ýnıversıtet talantty, elge tanymal, qoǵamda ózindik orny men pikiri bar jýrnalısterdi ushtap shyǵardy. Bul degeniń ǵajap dúnıe ǵoı. Zamana kóshbasshylarynyń basyn qosqan qara shańyraqqa men de qanat qaqqym keledi-aq. Onyń ústine osynda bilim alyp jatqan stýdentterdiń pikiri de ýnıversıtettiń jańa tehnıkalarmen, sheksiz múmkindikter ortasy ekenine saıady. 

Óńirde júrip, óship qalǵym kelmeıdi. Tyń serpilis, jańa orta, jańasha oılaý-aýyl balasynyń júrek túkpirindegi izgi arman. Keshegi Ahmet, Mirjaqyp pen Maǵjandardyń mırasqorlaryna aınalý-qanatym qataıa bastaǵan kezimnen bergi ózgermeıtin armanym. Bul armannyń kúágeri-QazUÝ bolǵanyn qalaımyn.

Temirjan Kórkem

---