Men – qazaq, qazaqpyn dep maqtanamyn,
Uranǵa Alash degen atty alamyn.
Súıgenim qazaq ómiri, ózim qazaq,
Men nege qazaqtyqtan saqtanamyn?

Altaı, Ertis, Syrdarıa, Esil, Jaıyq,
Arasan qonys qyldym irge jaıyp.
Elim, jerim qorǵaıtyn erim bolyp,
Er jettim en dalada lyqa toıyp.

Er Túrik urpaǵymyn dańqy ketken,
Bir kezde Eýropany titirkentken.
Kirgeni esik, shyqqany tesik bolyp,
Kúnbaǵys, Kúnshyǵysqa ámiri jetken.

Keshegi han Shyńǵystyń urpaǵyna,
Talaı sar, talaı knáz tájim etken.
Men qazaq, qazaqpyn dep maqtanmyn,
Uranǵa Alash degen atty alamyn.

Súıdirip júregimdi tartqan meniń,
Saryarqa, Sarydala týǵan jerim.
Kók kúmbezdiń astynda kók masaty,
Sáýlemen altyndaǵan sary belim.

Keń dala, shańsyz aýa, taza qonys,
Iisi ańqyp betim súıgen samal jelim.
Kindik bolyp malmenen jandy ósirgen,
Jaz jaılaý, kúzgi kúzek qysqy tebin.

Dalamnyń men saǵynam bek pen hanyn,
El úshin aıamaıtyn shybyn janyn.
«Qaıǵysyz uıqy uıyqtatyp»
Qaıǵyrýsyz jylqy baqtyryp,

Qalyńsyz qatyn qushtyryp,
Alashty «alash» qylǵan sabazdarym.
«Toptan toraı shaldyrmasqa,
Qazaqtyń bir taıyn kápirge aldyrmasqa.

Bir túnde toqsan oılanyp,
Toǵyz tóńkeriletin....»

El qorǵany erimniń súıem bárin.
Men – qazaq, qazaqpyn dep maqtanamyn,
Uranǵa Alash degen atty alamyn.
Súıgenim qazaq ómiri, ózim qazaq,
Men nege qazaqtyqtan saqtanamyn?

---