Kóńilge qaıǵy ý salyp,
Kózden jasty barlatqan,
Júrekke jara daq salyp,
Jandy ashytyp zarlatqan
Ýytyń kúshti, ajal-aı!

Degenine jetkizbeı,
Qaıǵyǵa oıyn toltyrǵan.
Oıdaǵysyn etkizbeı,
Birdi birden aıyrǵan
Meıirimsiz, shirkin, ajal-aı!

Kóńilin jastyń muqatyp,
Qaıǵyǵa oıyn toltyrǵan.
Tamyryna oq atyp,
Qyzyl gúldi soldyrǵan
Túsiń sýyq, ajal-aı!

Baqytyn jastyń ashqyzbaı,
Qapyda aldyń, ne tústi?
Kóńilin jastyń basqyzbaı,
Armanda aldyń, ne tústi?
Tapqanyńdy aıtshy, ajal-aı!

---