Mańaıymnan ármen ket,
Jandy qýyrshaq, aram et.
Bildirmesten astyrtyn
Aldap ediń kóz qurtyn,
Qur boıama qyzyl bet.

Anadaı turyp qarasam,
Jandy eriter jandaısyń:
Jýyp ketsem mańyńa
Eki aıaqty maldaısyń.
Sondaı bola turyp ta
Óz-ózińe qandaısyń.

Bir kórmege asylsyń,
Kól kórmege masylsyń.
Tek iship-jep júk tartar
Sarttar mingen qashyrsyń.
Ne sóılerge tiliń joq,
Ne sóz uǵar bilim joq,
Saǵan kimder bas ursyn?

Biraq jazyq qazaqta:
Uly-qyzy mazaqta.

---