InfoHub Logo

Sabaqtyń taqyryby: Meniń dostarym
Sabaqtyń maqsaty: Balanyń ózin - ózi tanýyna, dostaryn baǵalaýǵa, qurmetteýge úıretý, dosynyń aıtqanyn aıaǵyna deıin tyńdaýǵa, kez kelgen ýaqytta kómektese bilýge tárbıeleý. Oıyndar arqyly este saqtaý, oılaý qabiletin, sózdik qoryn damytý.
Kórnekilikter: sýretter, sharlar, gúlder, jumsaq oıynshyqtar, kirpishter (sýret japsyrylǵan), betperde (ıt), kespe áripter, aına, túri - tústi boıaýlar, dıdaktıkalyq, qısyndy oıyndar.
Ádis – tásilderi: túsindirý, kórsetý, suraq – jaýap, ár túli oıyndar, tosyn sát, psıhologıalyq jattyǵý, sıqyrly hat, jumbaqtar, maqal - mátelder, taqpaqtar, sergitý sát, sahnalaý.
Sabaqtyń barysy: Uıymdastyrý. Shattyq sheńberi.
Balalar: Armysyń shuǵylaly nurly kún!
Armysyń meıirimdi jer – ana!
Sálemetsizder me qonaqtar.
Bárimiz kúndeı jarqyraıyq!
Bárimiz tatý – tátti bolaıyq!

Tárbıeshi: Balalar búgingi sabaqtyń taqyryby «Meniń dostarym» - dep atalady.
Dos, dostyq degenimiz adamdar arasyndyǵy jaqsy qarym - qatynasty, bir - birine degen súıispenshilik, janashyrlyq sezimin aıtamyz.
Dostar bir - birin renjitpeıdi, kerisinshe naǵyz dostar bir - birin qurmetteıdi, syılaıdy, keshirimdi bolady.
Dostyq sezim tek qana adamdar arasynda emes, el men eldiń arasynda da bolady. Mysaly bizdiń Qazaqstan Respýblıkasy basqa memlekettermen dostyq qarym - qatynasta. Balalar sender de bir - birlerińdi renjitpeı tatý - tátti oınasańdar, bir - birińe syıly bolyńdar, senderde de dostyq sezim paıda bolady.
Tańǵajaıyp sát: (Osy kezeńde topqa esikti qaǵyp Dymbilmes kirip keledi)
Tárbıeshi: Balalar qarańdar bizge qonaq kelipti. Bul kim boldy eken?
Balalar: Dymbilmes.
Tárbıeshi: Dymbilmes sen nege esikti qatty qaqtyń?. Seni bireý renjitti me?
Dymbilmes: Menimen eshkim sóılespeıdi, oınamaıdy, eshkim dos bolmaıdy. (Dymbilmes jylaıdy).
Tárbıeshi: Balalar qalaı oılaısyńdar. Dymbilmespen nege eshkim dos bolmaıdy?
Balalar: Ol balalardy urady, mazaq etedi, jaman sózder aıtady.
Tárbıeshi: Balalar durys aıtady. Osyndaı jaman qylyqtaryń úshin eshkim dos bolmaıdy. Sen jańa balalarmen amandasqan joqsyń ǵoı.
Dymbilmes: Men sálemdesýdi bilmeımin. Maǵan ony eshkim úıretken joq.
Tárbıeshi: Balalar dostyq sálemdesýden bastalady. Qanekeı biz Dymbilmesti sálemdesýge úıreteıik.

Oıyn: «Sálemdesý»
Balalar eki - úsh juptan bir - birine qarap, ár túrli eldiń, adamdardyń sálemdesý rásimin kórsetedi.
Rahym: - Assalaýmaǵaleıkým.
Erdáýlet: - Álekýmassalam.
Zarına: - Zdravstvýıte.
Nazıra: - Zdravstvýıte.
Erasyl: júreginiń tusyna qolyn qoıyp ıiledi.
Tárbıeshi: Rahmet balalar.
Óte jaqsy balalar, dostar bir - birimen qalaı tanysady, amandasady.
Meniń atym Arına, Sálem!
Sálem, meniń atym Gúlnaz.
Dymbilmes: O, qandaı keremet!. Men senderden tanysýdy, dos bolýdy úırendim. Endi dostaryma baryp, osynyń bárin kórsetemin. Rahmet balalar.
Tárbıeshi: Dymbilmes balalarmen birge oıynyn kórińiz, sabaqqa qatysyńyz.

Sergitý sáti: «Shańyraq»
Balalar: Kóterilip shańyraq,
Ýyqtary shanshylar.
Keregeler kerilip,
Órimdeı bop óriler.
Bárimiz júrsek aınalyp,
Kıiz úı bop kóriner.
Tárbıeshi: Balalar biz búgin dostyq týraly áńgime aıtyp otyrmyz. Balalar ústeldiń ústinde kirpishter qoıylǵan, kirpishterdiń ishinde sıqyrly sóz jazylǵan sol sózdi tabýymyz kerek. Ony tabýymyz úshin men senderge jumbaq jasyramyn. Sender jumbaqty sheshseńder barlyq áripter ashylady.
Sol aıaqpen – oń aıaq,
Kezek ony tebedi,
Ol tynymsyz domalap,
Zyr júgire beredi.
(Dop)
Tárbıeshi: Dop sózinde birinshi qandaı dybys estilip tur?
Balalar: D – dybysy. (D - dy dybysy ashylady)
Ájem kórpe tigedi,
Betine órnek salady.
(Oıý) (O - dy dybysy ashylady)

Syrt - syrt etedi,
Ýaqyt ótedi.
(Saǵat) (S - dybysy ashylady)
Aq kóılekti kók jelek,
Ormanda orny bir bólek.
(Tal) (T - dybysy ashylady)

Kese, shyny, pıala,
Onsyz sháı quıama?
Qasyqsyz tamaq ishpeımiz,
Onyń bárin ne deımiz.
(Ydystar) (Y - dybysy ashylady)

İshi jumsaq, syrty qatty,
Eti qyzyl, súti tátti.
(Qarbyz) (Q - dybysy ashylady)

Tárbıeshi: Balalar qarańdarshy qandaı sıqyrly sóz shyqty.
Balalarmen birge oqımyz D O S T Y Q.
Tárbıeshi: - Dostyq degenimiz ne?
- Seniń dosyń kim?
- Sen kimmen dos bolǵyń keledi?
Balalar jeke - jeke suraqqa jaýap beredi.
Tárbıeshi: Balalar ótken sabaqta «Adal dos» áńgimesin senderge áńgimelep berdim. Endi osy áńgimeni ózderiń sahnalap kórinis kórsetesińder.
«Adal dos», áńgimesin balalar sahnalaıdy.
Tárbıeshi: Rahmet balalar naǵyz dostar osyndaı bolady.
Tárbıeshi: Balalar bizge sıqyrly hat kelipti. Qane ashyp oqyp kóreıik. Bul hatta suraqtar, dostyqqa baılanysty sıqyrly sózder jazylǵan.

1 - shi suraq: Balalar sender dostyq týraly taqpaq bilesińder me?
Zarına: Dos degeniń ómirdegi tiregiń,
Dos degeniń keýdedegi júregiń.
Eger dosyń adal nıet jan bolsa,
Oryndalar armandaǵan tilegiń!.
Erasyl: Baldyrǵan balamyz,
Dosty kóp tabamyz.
Qashan da, qaıda da,
Senimdi bolamyz.
Alıbek: Baldyrǵan balalar,
Dosty baǵalar.
Esińde saqta,
Adal bol, shynshyl bol,
Ótirik aıtpa, sózińnen qaıtpa.

2 - shi suraq: Dostyq týraly maqal - mátelder aıtyp kóreıik.
Nazıra: Dosy kópti jaý almaıdy,
Aqyly kópti daý almaıdy.
Rahym: Jaqsy dos janǵa – serik,
Jaman dos – malǵa serik.
Erdáýlet: Joldasy bardyń oljasy bar.
Saltanat: Júz teńgeń bolǵansha, júz dosyń bolsyn.

Oıyn: «Meniń aıtýym boıynsha».
Oıyn sharty: Balalar men bir balany sýrettep aıtamyn, sender sol balany tabýlaryń qajet (ol kim?) 2 – 3 balany sýrettep aıtý.
Tárbıeshi: Balalar endi ári qaraı oıynymyzdy jalǵastyramyz. «Aınaǵa qarashy».
Aınaǵa qarap kóńilsiz adamdardy kórsetemiz, endi kúlip kóńildi, qýanamyz, oılanyp otyramyz. Jaqsy, endi kóńil kúılerińdi aldaryńdaǵy sharǵa beıneleńder. Ol úshin myna sýretke qarańdarshy.
Tárbıeshi: Mynaý qandaı adam?
Balalar: Kóńildi adam. (Kóńilsiz adam)
Tárbıeshi: Balalar eger senderge sabaq unasa kóńildi adamdy, unamasa kóńilsiz adamdy beıneleısińder.
Báriń sharlaryńdy sol qoldaryńa alyp ustap otyryńdar, oń qoldaryńmen markermen sýretti qatty baspaı salyńdar. Endi jumysqa kirisińder, ár balanyń qasyna baryp baǵyt berý.
Tárbıeshi: Sýret salyp bolsańdar - ásem sharlaryńdy qoldaryńa ustańdar. Balalar sender qandaı adamnyń kelbetin saldyńdar.
- Balalar kezekpen jaýap beredi
- kúlip tur, kóńildi tur, ashýly.
Tárbıeshi: Balalar sharlarymyzdy joǵary ustap, Kún shýaǵynyń aınalasyna turyp, tilekterin aıtady.
- Deniń saý bolsyn!.
- Árdaıym kúlip júreıik!.
- Árqashan kún sónbesin!.
- Elimizde tynyshtyq bolsyn!.
- Dosymyz kóp bolsyn!.

Tárbıeshi: Balalar endi sabaqtan alǵan jaqsy kóńil kúılerimizben qolymyzdaǵy sharymyzdy qonaqtarǵa syılaımyz.
Balalar án áýenimen sharlaryn ata - analaryna, tárbıeshilerge syılaıdy.
Sabaqty qorytyndylaý. «Óziń jaqsy bolsań dosyń da kóp bolady».
«Joldasy kóptiń oljasy kóp» degen osydan shyqqan, bárimiz dos bolyp, qýanyshymyzdy birge bóliseıik.
Balalar kelgen qonaqtarmen qoshtasady