InfoHub Logo

Mendegi kishkentaı ǵana júregim árqashan Otanym dep soǵady. Meniń elim, týǵan jerim-Qazaqstan. Osynaý qudyretti sózdi árbir qazaq balasy asqaq sezimmen, aýyz toltyra san ret maqtanyshpen aıta alatyny sózsiz ras. Otan úshin otqa da túsken, sýǵa da batqan Baýyrjan Momyshuly:„Otan úshin otqa tús kúımeısiń“ dep asyl sóz qaldyrǵan. Menińshe, osyndaı elin súıgen jáne odan jiger alǵan, jurttyń qorǵany bolǵan qazaq azamattarynyń alar asýy men jeter belesteri áli alda degen oıdamyn.

Mine, ózimiz kýá bolǵandaı Qazaqstannyń táýelsizdik alǵanyna otyz jyl toldy. Óz aldyna egemendi el bolyp, táýelsiz memleketke aınaldy. Táýelsizdik bizge ońaı jolmen kelgen joq. Sol bir bastarynan ótkizgen sýyq kúndermen túnder bastan ótkergen árbir adamnyń sanasynda óshpesteı iz qaldyrǵany bárimizge anyq. Ata-babalarymyzdyń ǵasyrlar boıǵy asyl armany men muratyn, azattyq jolynda qurban bolǵan talaı bozdaqtyń jas urpaqqa qaldyrǵan amanatyn elegimizden ótkizip, júregimizben uǵa bilýimiz kerek. Sondyqtan da, osy oqıǵaǵa deıin jáne osydan keıingi kúresýlerdi esten shyǵarmaýymyz kerek.

Meniń oıymsha, Qazaqstan osynshama az ýaqyttyń ishinde álem jurtshylyǵyna óz óne boıyndaǵy minsiz qasıetimen baýrap aldy, dep aıtsam qate aıtpaǵanym dep bilemin. Sebebi, az ýaqyttyń ishinde elimiz bizden edáýir ýaqyt buryn táýelsizdikterin alǵan memleketterdi qýyp jetip, bilim, sport, ǵylym, mádenıet, óner jaǵynan álemniń alpaýyt elderimen terezesi teńele túsýde. Mende oılana kele, Qazaqstan álemdik dárejede sporttyq jarystardy uıymdastyryp, myqty degen elderdiń uıymyna tóraǵa bolyp, dúnıe júzine aty áıgili, óziniń qandaı el ekenin ýaqyt ótken saıvn dáleldeı túsetinine aıqyn kózimdi jetkizip otyrmyn. Ózge elde jalaýymyz kók aspanda jelbirep, rýhymyzdy asqaqtatar aıbyndy ánuranymyz shyrqalǵanda bizdiń júregimizde elimizge degen maqtanysh sezimi ornaıtyny ras qoı. . .

Osyndaı úzdik nátıjelerge árdaıym jetý úshin elimizge naqty maqsattar men aıqyn josparlar qajet. Osy josparlar arqyly bolashaqqa nyq qadam basa alamyz.

Meniń oıymsha, árbir adam óz elinde turyp, týǵan dástúrlerin, mádenıetin, al bastysy – ana tilin bilýi mindetti. Ata-babalarymyz ǵasyrlar boıy qurastyrǵan, qasıetti týǵan tilin bilmeý, qurmettemeý – óte arzyz, namyssyz, tómen, ári uıat. Týǵan tilin úırene almaǵan adam, basqa tildi de eshqashan meńgere almaıdy dep oılaımyn. «Barlyq ıgilikterden eń uly – táýelsizdik», - dep Godvın aıtqandaı, biz táýelsizdigimizdi saqtap, qurmettep, onymen maqtanýymyz kerek. Óıtkeni kóptegen halyqtar óz elin, jerin, tilin, dinin, qaıtarýǵa armandaıdy. Biz de ata-babalarymyzdyń eńbegin baǵalap, uly batyrlarymyzdy umytpaýymyz kerek!

Kasımbek Janel

---