InfoHub Logo

Bilim salalary: Qatynas, Tanym, áleýmettik, Shyǵarmashylyq
Bólimderi: Til damytý, matematıka, qorshaǵan ortamen tanysý, qurastyrý
Taqyryby: Meniń otbasym
Maqsaty:
Bilimdilik: Otbasy týraly túsinikterin keńeıtý, qonaqjaılyqqa úıretý, ádeptilik erejelerine baýlý.
Damytýshylyq: Beıneli oılaýyn damytý. Otbasyndaǵy ózara syılastyq qarym qatynasyn damytý.
Tárbıelik: Januıa múshelerine degen súıispenshiligin arttyryp, olardy syılaýǵa tárbıeleý.
Sabaqtyń kórnekiligi: Otbasylyq sýretter, «Ádeptilik – ádemilik»kitaby, óleńjumbaq, oıyndar.
Bılıngvaldyq quraýysh:
Qyzmettiń kezeńderi Tárbıeshi áreketi Balalardyń áreketi
Motıvasıalyq túrtki bolatyn Shattyq sheńberi
- Balalar bárimiz ortaǵa shyǵyp, shattyq sheńberin quraıyq. Bárimiz bir – birimizdiń qolymyzdan ustap alaqan jylýlaryn sezineıik. Qandaı tamasha?!
Shattyq sheńberi:
Úlkenge de siz,
Kishige de siz,
Ata - anany qurmettep,
Bas ıemiz biz.
Qaıyrly kún, meniń súıikti balalarym! Búgin biz úshin óte erekshe, ári áserli sabaq. Búgin bizge qonaqtar kelip otyr.
- Balalar myna sýretke nazar salyńyzdarshy! Myna sýretterdi bir sózben aıtqanda qalaı dep ataı alasyńdar: ( otbasynyń sýreti)
- Qanekı balalar biz saýsaq jattyǵýlaryn jasap kóreıikshi!( balalar saýsaqtaryn búgip otyryp oryndaıdy)
Bas barmaǵym – ákem, balań úırek apam,
Ortan terek – aǵam, shyldyr shúmek men.
Tıtteı bóbek sen
Bir úıde nesheýmiz?
Bir úıde beseýmiz.
- balalar sanamaq kimder týraly aıtylǵan? Kim aıtady?
Otbasynda atalǵan adamdardan basqa kimder aıtylmaı qaldy?
Balalar, qazir bizge Móldir jumbaq jasyrady.
Kitapty kóp oqıtyn, nemerelerin jaqsy kóredi, aq saqaldy, kisini kim deımiz? (Ata)
Bala shyǵyp atany kórsetedi.
Ata týraly taqpaq.
Aıtady ertek jan atam,
Aq saqaly salalap,
Qumarymdy tarqatam,
Jermen kókti aralap.

Ózi salmaqty, baısaldy, bos ýaqytyn balalarmen ótkizgendi jaqsy kóredi,
sırkke, saıabaqqa aparady, otbasyn qorǵaýshy, saqtaýshy ol kim? (Áke)
Kórsetý.
Áke týraly taqpaq
Atam aıtsa «Ulym» dep,
Ájem aıtar «Kúnim» dep,
Ekeýinen qaımyǵyp,
Aıtady ákem «İnim»dep.
Ol óte meıirimdi, aq shashty, tátti baýyrsaq pisiredi, bizge jyly qolǵap, shulyq toqıdy. Bul kim? (Áje)
Kórsetý.
Áje týraly taqpaq.
Ájemdeı danadan,
Ertekke qanamyn.
Shaqyrsa daladan,
Júgirip baramyn.
Balalar, senderdi jaqsy kóretin, súıikti adam kim? (Ana)
Kórsetý.
Balalar, Endeshe men senderge óleń jumbaq aıtyp bereıin. Sender sonyń sheshýin aıtyńdar
Degenimdi jasaıtyn
Qalǵan tamaǵymdy asaıtyn
Ertip alyp jetektep
«Nemerem» – dep ataıtyn?
*** *** *** ***
Ertegi aıtyp beretin
Aıtqanyńa senetin.
Degenińdi eki etpeı
Jańynda seniń júretin.
*** *** *** ***
Kirińdi seniń jýatyn
Úıdi shashtyń dep qýatyn
Tamaǵyńdy daıyndap
Jaqsy kórip turatyn.
– Bárekeldi balalar, óleń jumbaqty sheshtińder. Sender aqyldy, bilimdi balalar bolyp ósip kele jatsyńdar. Óte jaqsy. Sharshaǵan shyǵarsyńdar. Oıyn oınap bir sergip alaıyq.
«Kim joq?» – dıdaktıkalyq oıyn
Taqtada otbasy músheleriniń sýreti ilýli turady. Balalar kózderin jumady. Tárbıeshi taqtadaǵy bir otbasy múshesiniń sýretin alyp tastaıdy. Balalar kózderin ashyp, muqıat qarap shyǵyp, kimniń sýreti joq ekenin aıtady.
Sergitý sáti: «Otbasy shejiresi» týraly jumbaq sheshý. Aldarynda ákesiniń, atasynyń, anasynyń t.b. fotalary jatady.

1. Aıtary mol ǵulama,
Kóp jasasyn bul adam,
Ákesi ol ákeńniń
Biler ony suraǵan.
Ol kim? Barlyǵy – atam.
Atalarynyń sýretin aǵashtyń tamyrlaryna iledi.

2. Atańnyń balasy,
Keı kezde talasyp.
Qalasyń ájege
Bilgeniń asady kádege.
Ol kim? Barlyǵy - ákem. (ákesiniń sýretin iledi)

3. Bala bala, bala dep,
Túnde shoshyp oıanǵan
Tún uıqysyn tórt bólip
Túnde besik taıanǵan.
Qolyn qatty tıgizbeı,
Kirli kóılek kıgizbeı.
Iisin jupar ańqytqan.
Bul kim? Barlyǵy – ana. (anasynyń sýretin iledi)
Áke, apa, aǵa, men jáne bópem týraly aıtylǵan.
– Apaı, bul «Ata» – ǵoı
– Bul «Áje» – ǵoı apaı!
– Apaı bul bizdiń«anamyz» – ǵoı
Uıymdyq - izdený Oıyn: «Nege teńeımin». Balalarǵa kúnniń, aıdyń, bulttyń, almanyń, gúldiń sýretteri taratylyp beriledi. Oqýshylarǵa «anańdy kimge teńeısiń» dep suraǵanda qoldaryndaǵy sýrettiń bireýin kóteredi. Sol sıaqty atasyn, ákesin, aǵasyn t. b. aıtylady.
Balalar, kim bizge óziniń otbasy týraly aıtqysy keledi?
1 - bala. Meniń otbasymda 4 adam bar bul ájem, atam, sheshem, ákem. Meniń ájem – zeınetker. Sheshem - ákem jumys isteıdi. Anam - mektepte muǵalim. Ákem – júrgizýshi. Meniń aǵam oqýshy. Al men balabaqshaǵa baramyn.
2 - bala. Meniń otbasymda ájem, ákem, sheshem bar. Men ákemniń anamnyń jalǵyz qyzymyn. Kishkentaı inim nemese sińlim bolsa ǵoı dep oılaımyn. Mynaý meniń meıirimdi ájem. Al mynaý tátem, ol aýylda turady.
3 - bala. Mynaý meniń otbasym. Ákem, anam jáne men. Meniń eki ájem bar: (eki ájesiniń atyn aıtady), olar meni jaqsy kóredi. Mynaý eki atam. Olar meni erkeletedi. Bul aǵam ol Armenıada turady. Bul tátem, menimen oınaıdy. Biz tatý turamyz.

Reflekstik túzetý - Qazir bárimiz mynadaı tapsyrma oryndaıyq. Myna qıma sýretterdi qurastyraıyq.
Neni qurastyrdyq? Kim bar?
Júrekten – júrekke: Balalar bir - biriniń qoldarynan ustap, sheńber quryp turady.
- Aıaýly anam meıirimdi!
- Qadirli ákem meıirimdi!
- Álpeshtegen ájem meıirimdi!
- Erkeletken atam meıirimdi!
Qorytyndylaý: 1. Otbasy múshelerin ata.
• 2. Óz úıińdegi otbasy músheleriniń mindetteri týraly aıtyp ber?
• 3. Otbasyńa qandaı kómek kórsetesiń?
• 4. Ata – anań qaıda jumys isteıdi?
Otbasy - ol eń jaqyn adamdardyń oshaǵy. Árqashan otbasy múshelerin syılap, qurmetteý kerek ekeni aıtylady.
Ortaǵa kelip turaıyq,
Sheńberdi biz quraıyq.
Kóriskenshe kún jaqsy,
Saý - salamat bolaıyq!
Suraqtarǵa tolyǵymen jaýap bere bildi.

Kútiletin nátıje:
Bilý kerek: Ata, áje – otbasy tiregi. Olardy syılaý kerek.
Túsinýge tıis: Ata áje áke ana, ul qyz – bárin otbasy deımiz.
İsteı bilýi kerek: Bizdiń kishkentaı júregimiz bárin jaqsy kóredi.