InfoHub Logo

Shyǵys Qazaqstan oblysy,
Aıagóz aýdany, Mamyrsý aýyly,
"S.Ǵabbasov atyndaǵy jalpy orta bilim beretin mektep" KMM
matematıka pániniń muǵalimi Temırtaeva Asel

Matematıkadan 8 - 9 synyptar arasynda ótkizilgen "Meniń otbasym jáne matematıka" atty oıyn saıys
Oıyn - saıys «Meniń otbasym jáne matematıka»
Maqsaty: Ata - analardy balalarymen birge mektepishilik is - sharalarǵa qatystyrý, otbasy múshelerin aldaryna qoıǵan maqsattaryna jetýge yntalandyrý. Oıynǵa qatysýshylardyń matematıkaǵa degen qyzyǵýshylyǵyn arttyrý. Matematıkalyq mádenıettilikke tárbıeleý.
Komanda quramynda: ákesi, sheshesi, balasy jáne kómekshi toby.
Kómekshi toby: ár synyptan 4 oqýshy
Komanda jankúıerleri: synyp oqýshylary, ata - analar, synyp jetekshileri.
Ádilqazylar alqasy: mektep ákimshiligi jáne muǵalimder

Saıys barysy:
1 - júrgizýshi: Sálemetsizder me, ata - analar men oqýshylar!
Naqty ǵylymdarǵa qyzyǵýshylar
Estigenin este tutyp
Oqyǵanyn mıǵa toqýshylar.

2 - júrgizýshi: Sálemetsizder me, ustazdar!
Aıtar oıyn tuspaldar
Siz oqytqan oqýshylardyń
Jáne olardyń otbasynyń
Sáti keldi synalar.

1 - júrgizýshi: Esepti túrli - túrli shyǵaramyz
Arasynda oıyn oınap jarysamyz
Oılamdy suraq, qıyn suraq bári de bar.
Ázil esepke de otyramyz.

2 - júrgizýshi: Olaı bolsa bul ne turys
Keshimizdi biz bastaıyq
Ádil baǵaǵa qaltasy toly
Ádilqazylardy shaqyramyz.

1 - júrgizýshi: Keshimizdi bastamas buryn
Ár toptyń bilimin durys baǵalaý úshin ádilqazylar alqasyn saılap alaıyq. Búgingi saıys sharttary ádilqazylar alqasynyń aldyna daıyndalyp qoıylǵan.

2 - júrgizýshi: Shyn júırik shabysynan tabylady.
Naqty bilim, tereń oı synalady.
Baǵa berer ádilqazy ortamyzda
Sizderge qurmetpene qol soǵylady.

1 - júrgizýshi: Bireýiniń júreginiń túgi bar
Bireýiniń arqalap júrgen qoǵamdyq júgi bar.
Bireýiniń kúmbirlegen kúıi bar
Endi bireýiniń qatty isteıtin mıy bar

Ár komandany ortaǵa shaqyramyz.
8 «A» synyp - otbasy
8 «Á» synyp - otbasy
9 «A» synyp - otbasy
9 «Á» synyp - otbasy

Muǵalim: Qurmetti ata - analar, qymbatty oqýshylar!
Búgingi keshimiz qyzyqty ótip jáne tek qana oqýshylarǵa emes, ata - analarǵa da áseri men paıdasy tıedi degen senimdemin. Rasynda da matematıka - barlyq ǵylymdardyń patshasy demekshi, kúndelikti ómirde matematıkasyz kúnimiz joq. Bul týraly búgingi «Meniń otbasym jáne matematıka» atty keshimizde áńgime júrgizilýi sebebi balalar matematıka týraly alǵashqy málimetterdi otbasynan alady. Nege? Óıtkeni, balasyn dúkenge azyq - túlik alýǵa anasy jumsaıdy, ákesi balasyn ustalyq jumystardy ústeýge úıretedi, anasy qyzymen birge kıim tigedi, resept boıynsha as ázirleıdi.
Otbasy degen sóz orys tilinde «semá» dep aýdarylady.
«Sem» degenimiz «jeti», «Ia» degenimiz «men». Sonymen «semá» degen sóz men jeteýmin degen maǵynany bildiredi. Biraq qazirgi zamanda jeti adamnan turatyn otbasy kóp emes, sondyqtan biz ár synyptan kómekshi retinde 4 oqýshydan aldyq.
Sonymen saıysymyzdy bastaımyz.

Sergitý
Ár komandaǵa kezekpen suraq qoıylady. Jaýapty tez qaıtarý kerek. Durys jaýapqa 1 upaı. Eger komanda jaýap bere almasa,
jankúıerler kómektesedi – onda jarty upaı beriledi.
(0, 5 upaı)

Esepter:
1. 5 jyl buryn aǵasy men qaryndasy birge 8 jasta boldy. Taǵy 5 jyldan keıin olar qansha jasta bolady? (18)
2. Ákesi 30 jasta, balasy 5 jasta. Neshe jyldan keıin ákesi balasynan 27 jas úlken bolady. ( eshqashan)
3. Aǵasy 12 jasqa tolǵanda qaryndasy neshe jasta bolady, eger aǵasy qazir 8 - de, al qaryndasy 3 jas kishi bolsa? ( 9)
4. Bir adamnan, qansha balań bar dep suraǵanda, ol mysqyldap:
«Mende qansha qyzym bolsa, sonsha ulym bar. Ár ulymda 3 qaryndasy bar». Bul otbasynda neshe bala? (6)
5. Alty aǵaıyndy týraly, (Malchık - s - palchık) Perro ertegisinde avtor ne sebepten ekeni belgisiz, bir otyn kesýshi (drovosek) otbasynda jeti aǵaıyn jáne árqaısysynda jeti qaryndastan bolǵanyn aıtpapty. Sonda bul ertegidegi otbasynda neshe bala bolǵan? (14)
6. Bir otbasynda eki ákesi jáne eki uly bar. Otbasynda neshe adam bar? (3) ata, áke, nemere
7. Áıel adam synyptaǵy balalardyń bireýine: «Men seniń anańmyn, biraq sen maǵan ulym emessiń»- deıdi. Ol ne degeni? (qyzymsyń degeni)
8. Bir azamattyń ákesi Nıkolaı Petrovıch, al onyń uly – Alekseı Vladımırovıch. Ol azamattyń aty - jóni kim?
(Vladımır Nıkolaevıch)
9. Otbasynda ómir boıy men ózim jalǵyz óstim
Bul shyndyq, basynan aıaǵyna deıin.
Biraq sýretteginiń uly,
Meniń ákemniń uly
Sýrettegi kim? (Meniń ákem)
10. Kúıeýi men áıeli jáne aǵasy men qaryndasy 3 alma alyp, birdeı bólip aldy. Árqaısysy qansha almadan aldy? (1) kúıeýi, áıeli, aǵasy (qaryndasy)
11. Taıaqtyń eki basy bar. Eger onyń bir jaǵyn kesse, taıaqtyń neshe basy qalady? (2)
12. 20 metr matany 10 bólikke 2 m - den bólý úshin, neshe ret kesý kerek? (9)
13. Ákesi men uly aǵashty 12 ret kesti. Qansha bórene shyqty? (13)
14. Oıynshylar shahmatty 4 saǵat oınady. Árqaısysy neshe saǵat oınady? (4)
15. Uly, ákesi, atasy doıby oınady. Barlyǵy 3 partıa oınaldy.. Árqaısysy neshe partıadan oınady? (2)