InfoHub Logo

Sabaqtyń taqyryby: Microsoft Word mátindik redaktorynda jalpylaý sabaǵy
Sabaqtyń maqsaty: Microsoft Word mátindik redaktorynyń ártúrli múmkindikterin paıdalana otyryp, oqýshylardyń óz betinshe jumys isteı bilý iskerlikterin qalyptastyrý
Sabaqtyń mindetteri:
1. Microsoft Word mátindik redaktorynyń ártúrli múmkindikterin paıdalana bilý
2. Microsoft Word - tan alǵan bilimderin praktıkada qoldana bilý biligin damytý.
3. Kompúterlik saýattylyq pen mádenıettilikke, óz betinshe eńbek áreketine tárbıeleý.
Sabaqtyń tıpi: oqýshylardyń bilimin, sheberligin jáne daǵdylaryn tekserý sabaǵy
Sabaqtyń túri: praktıkalyq jumys
Sabaqtyń kórnekiligi: DK, mýltımedıa proektory, kartochkalar
Programmalyq qamsyzdandyrý: Microsoft Word
Pánaralyq baılanys: qazaq tili

Sabaqtyń barysy:
İ. Uıymdastyrý kezeńi (5 mın)
1. oqýshylarmen sálemdesý
2. oqýshylardyń zeıinin sabaqqa aýdarý
3. sabaqtyń maqsatymen tanystyrý

İİ. Úı tapsyrmasyn tekserý(5 mın)
1. Ótken taqyryp boıynsha suraqtar qoıylady.
1. Microsoft Word qandaı redaktor?
2. Bul programmanyń qandaı múmkindikterin bilesińder?
3. Mátin degen ne?
4. Mátinge qandaı áreketter jasaýǵa bolady?
5. Pishimdeý degen ne?
6. Keste degen ne?

2. Kompúterde oryndalatyn 2 tapsyrma (ol tapsyrma kompúterge aldyn ala engizilip qoıylady) Bul tapsyrmalar birinshiden, oqýshylardyń logıkalyq oılaýyn, tapqyrlyǵyn tanytsa, ekinshiden, taqyryp boıynsha pishimdeý elementterin qalaı qoldanǵanyn, kompúterlik saýattylyǵyn anyqtaıdy.
(10 mın)

Tapsyrma 1.
Kóp núkteniń ornyna maqal - mátelderdiń uıqasyn kerekti sózderdiń arasynan dál taýyp, qıyp alý quralymen ornalastyr.
1 - nusqa
1. Bilimniń... – beınet,... – zeınet.
2.... aıtpa,... aıt.
3. Jerdiń sáni -..., erdiń sáni -....
4.... – altyn qazyna
Kerekti sózder: oqyǵanyńdy, egin, bilim, basy, kitap, sońy, toqyǵanyńdy.
Jaýaptary:
1. Bilimniń basy – beınet, sońy – zeınet.
2. Oqyǵanyńdy aıtpa, toqyǵanyńdy aıt.
3. Jerdiń sáni – egin, erdiń sáni – bilim.
4. Kitap – altyn qazyna
2 - nusqa
1.... bilim joq,... kúniń joq
2. kóp... bilmeıdi, kóp... biledi.
3. tilińmen..., bilimmen....
4.... – bilim bulaǵy,... - óner shyraǵy.
Kerekti sózder:, oqýsyz, júgirme, oqyǵan, bilimsiz, oqý, bilim, toqyǵan, júgir.
Jaýaptary:
1. Oqýsyz bilim joq, bilimsiz kúniń joq.
2. Kóp oqyǵan bilmeıdi, kóp toqyǵan biledi.
3. Tilińmen júgirme, bilimmen júgir.
4. Oqý – bilim bulaǵy, bilim - óner shyraǵy

Tapsyrma 2.
Jumbaqty sheship, Microsoft Word redaktorynyń grafıkalyq múmkindigin, avtofıgýralardy paıdalanyp, shyqqan jaýabynyń sýretin sal.
1 - nusqa
Ústinde esigi,
Ózi oryndyq, ári ústel,
Oqýshylar besigi
(Parta)
2 - nusqa
Aǵashtardyń kórkemi,
Máńgi jasyl butaǵy.
Meken ǵyp taý - ólkeni,
Káýsar aýa jutady.
(Shyrsha)

Eki tapsyrmanyń baǵasy baǵalaý paraǵyna engiziledi.

Al endi oqýshylar sender bilesińder kompúterdi paıdalanýshylar men programmıstterdiń eń negizgi álsiz múshesi - kórý múshesi bolyp tabylady. Sondyqtan qazir kózge arnalǵan birneshe jattyǵýlardy jasaıyq.
1. kózdiń qaraý baǵytyn ózgertý: saǵat tili baǵytymen jáne qarsy baǵytta kózdi aınaldyra buryp qaraý;
2. basty kezekpen eki jaqqa burý;
3. saýsaqtardy judyryqqa jumý, qoldyń ushyn bosańsytý;

3. Al endi oqýshylar osy Microsoft Word redaktoryndaǵy keste degenimiz ne? Qatar degen ne? Baǵana degen ne? Al ondaı bolsa, oqýshylar qazir biz deńgeılik tapsyrmalarmen jumys jasaımyz. (oqýshylar óz shamalary keletin tapsyrmalardy alyp oryndaıdy.) (11 mın)

1 sýrettegi kesteni salyp, sol kesteni biriktirý jáne keıbir uıashyqtaryn alyp tastaý arqyly 2 sýretti alý kerek. Ólshemderin oqýshylar ózderi aıtyp, qalaı turǵyzǵandaryn túsindiredi.

1. 10h4 ólshemdi keste quryńyz
2. Kestege eki baǵana qosyńyz
3. Kestege 8 ben 9 - shy qatarlardyń arasyna qatar qosyńyz
4. Kestedegi birinshi qatardy biriktirińiz
5. Oǵan «Synyp jaıly maǵlumat» - degen sóılemdi engizińiz
6. 2 - shi qatarǵa – «nomer, aty - jóni, týǵan jyly, meken - jaıy, telefon, unaıtyn páni» degen sózderdi engizińiz
7. Eń sońǵy qatardy biriktirip, synyp jetekshilisiniń aty - jónin terińiz.

Kelesi sózjumbaqty turǵyzyp, sheshimin tabyńyz.
1. İshinde saqtaı alatyn kompúterdiń eń negizgi qurylǵysy
2. Dybys shyǵarý qurylǵysy
3. Kompúter ekrany basqasha qalaı atalady?
4. Negizgi bas menú...
5. Kompúterlerdiń bir - birimen jalǵaıtyn baılanys /oryssha/
6. Pýsk negizgi bas...
7. Kilemshe ústinde erkin jyljıtyn qosymsha qurylǵy.
8. Baspaǵa shyǵarý qurylǵysy
9. Engizý qurylǵysy

5. Sergitý oıyny. Qaı sóz artyq? (2 mın)
4. Sabaqty bekitý (5 mın)
Oqýshylardan 2 nusqada, 10 suraqtan turatyn shaǵyn test jumysy alynady.

Test jumysy
İ - nusqa
1. Microsoft Word degenimiz ne?
A) Windows – tyń basqarýymen avtonomdy DK - de jumys isteýge arnalǵan relásıalyq derekter bazasyn basqarýdyń ústeldik júıesi;
B) Mátindik qujattardy jasaýǵa, kórýge, túrlendirýge jáne qaǵazǵa basyp shyǵarýǵa arnalǵan Windows – tyń qosymsha múmkindikteri;
V) Windows – tyń prezentasıalardy jasaýǵa jáne redaksıalaýǵa arnalǵan programmasy.

2. Word – ty qalaı iske qosamyz?
A) Pýsk - Microsoft Word;
B) Programmy – Standartnye - Microsoft Word;
V) Pýsk – Programmy - Microsoft Word.

3. Word - taǵy saımandar taqtasy – bul...
A)... basqa programmalardaǵy sekildi komandalardyń jıyntyǵy;
B)... Word oryndaı alatyn is áreketterdiń tizimi;
V)... atqaratyn qyzmetterine qaraı toptastyrylǵan batyrmalar men tizimder jıyny.

4. Kýrsordyń oń jaǵyndaǵy sımvoldy qandaı perne óshiredi?
A) Backspace;
B) Delete;
V) Esc.

5. Qazaqsha (oryssha) regıstrden aǵylshyn regıstrine bylaı kóshýge bolady:
A) Alt+Shift;
B) Ctrl+Shift;
V) eki Shift pernelerin qatar basý jolymen.
6. Keste degenimiz ne?
A) Qatar men baǵanada rettelgen aqparat
Á) Qatarlar tizimi
B) Baǵanalar tizimi

7. Keste qurý úshin
A) Format – Shekara jáne aımaqtardyń ishin boıaý
Á) Keste qurý - Keste
B) Keste – Keste qosý

8. Uıashyqtardy biriktirý
A) Uıashyqtardy ereksheleımiz jáne Keste – Uıashyqtardy biriktirý
Á) Óńdeý – Uıashyqtardy biriktirýdi boldyrmaý
B) Uıashyqtardy biriktirýdi boldyrmaý

9. Uıashyqtardy bólý
A) Uıashyqtardy bólý komandasyn
Á) Keste – Jol qosý
B) Kýrsordy uıashyq ishine ornalastyryp, Keste – Uıashyqtardy bólý komandasyn oryndaımyz.

10. Kestege qatar qosý
A) Keste – qatar qosý
Á) Qoıý - sýret
B) Keste – Baǵana qosý

İİ - nusqa
1. Belgili bir fragmentti qalaı ereksheleımiz?
A) tyshqannyń batyrmasyn eki ret shertý arqyly;
B) Shift Enter;
V) tyshqannyń sol jaq batyrmasyn basyp túryp, qozǵaltý arqyly.

2. Qaı perneni basqanda kýrsor oń jaqqa qaraı 8 orynǵa jyljıdy?
A) Tab;
B) Enter;
V) Alt.

3. Mátin jıegin qorshaý, betti qorshaý, boıaý áreketteri qandaı komandanyń kómegimen oryndalady?
A) Format – Shekaralar jáne boıaý (Format - Granısy ı zalıvkı) komandasynyń kómegimen;
B) Sýret salý (Rısovanıe) saımandar taqtasyndaǵy Quıý (Zalıvka) batyrmasynyń kómegimen;
V) Format – Fon komandasynyń kómegimen.

4. Qujat betterin nómirleý áreketi qalaı oryndalady?
A) Túr – Kolontıtýldar (Vıd – Kolontıtýly) komandasye oryndaǵanda paıda bolǵan saımandar taqtasynyń kómegimen;
B) Synalap engizý – Bet nómirleri (Vstavka – Nomera stranıs) komandasyn oryndaý arqyly;
V) Túr – Bet nómirleri (Vıd – Nomera stranıs) komandasyn oryndaý arqyly.

5. Mátinniń formattaý áreketterin qoldanýǵa bolatyn elementterin atańyz:
A) sóılem, abzas, qujat;
B) keste, grafıkalyq obektiler, mátin;
V) árip, sóz, sóılem, abzas, qujat.

6. Mátindi formattaý is - áreketteri qandaı komandalardyń kómegimen oryndalady?
A) Format komandasynyń tómengi satyly komandalary arqyly;
B) Saımandar taqtasy batyrmalary, janama menú komandalary arqyly;
V) Format komandasynyń tómengi satyly komandalary, Saımandar taqtasy batyrmalary, janama menú komandalary arqyly.

7. Word mátindik redaktory qandaı máselelerdi sheshýge arnalmaǵan?
A) Úlken kólemdegi mátindik aqparatty saqtaý úshin;
B) Qujattardy kóbeıtý úshin;
V) Ekonomıkalyq esepteýlerdi oryndaý úshin.

8. Qujatty qurýda qariptiń qandaı ólshemi qoldanylady?
A) mańyzdy emes;
B) 12;
V) 14.

9. Kesteniń negizgi elementi
A) keste;
Á) uıashyq;
B) baǵana.

10. Qandaı batyrmany basý arqyly qatar qosýǵa bolady?
A) Enter
Á) Shift
B) Tab
6. Sabaqty qorytý (1 mın)
7. Oqýshylardy baǵalaý (2 mın)
8. Úı tapsyrmasy: §7. 8. 90 - bet (2 mın)