Photo: Alex Andrews (https://www.pexels.com/@alex-andrews-271121) / Pexels
Mıllıarderdiń burynǵy áıeli qamaý kamerasynda óz-ózine qol saldy
Mıllıarderdiń burynǵy áıeli qamaý kamerasynda jan tapsyrdy
Reseılik mıllıarder Aleksandr Galıskııdiń burynǵy áıeli Alıa ýaqytsha ustaý ızolátorynyń kamerasynda óz-ózine qol saldy. Bul týraly Infohub.kz aqparat agenttigi habarlaıdy.
Buǵan deıin Alıa Galıskaıaǵa kúdik týyndaǵan. Ol burynǵy kúıeýinen aqsha bopsalady degen kúdikpen ustalǵan. Bul týraly Baza Telegram arnasyna silteme jasaǵan Tengrinews.kz habarlady.
Málimetterge sáıkes, mıllıarderdiń burynǵy áıeli Máskeý oblysynda ustalǵan. Tergeý nusqasyna sáıkes, Alıa Galıskaıa kezdesýlerde jáne telefon arqyly burynǵy kúıeýinen 150 mıllıon dollar (72 mıllıard teńgeden astam) berýdi talap etip, kompromatty jarıalaýmen qorqytqan.
«Buǵan deıin Alıa bıznesmenniń ınvestısıalyq shottaryn qosa alǵanda, ortaq múlikti bólý týraly talap aryz bergen. Osy is boıynsha Galıskııdiń 435 mıllıon rúblge (2,7 mıllıard teńgeden astam) múlki, atap aıtqanda, Patrıarshıı prýdyndaǵy páter, eki avtoturaq orny, qala syrtyndaǵy úı jáne «Týrgenev» klýbyndaǵy páterler tárkilendi», - dep jazady Telegram arnasy.
Sot Galıskaıany aldaǵy eki aıǵa qamaýǵa alý týraly sheshim shyǵardy, biraq ol tergeý ızolátoryna jetken joq: «Bazanyń» málimetinshe, kúdikti ýaqytsha ustaý ızolátorynda óz-ózine qol salǵan.
Aleksandr Galıskıı - Shyǵys Eýropa men Batystaǵy eń tanymal jáne yqpaldy venchýrlyq ınvestorlardyń biri. Ony jıi joǵary tehnologıalar ındýstrıasynyń «sáýletshisi» dep ataıdy. Onyń qorlarynyń basqarýynda júzdegen mıllıon dollar bar.
-
Temirtaý turǵyndarynyń tynysy tarylýda. Qalanyń ekologıalyq jaǵdaıy máz emes. Nelikten jaǵdaı osylaı jáne ne isteý kerek?
-
CHBD baǵdarlamasynyń júrgizýshisi Alekseı Sherbakov Almatyǵa Nurlan Sabýrovtyń sońynan keldi. Bul týraly áleýmettik jelilerdegi vıdeodan bilýge bolady.
