Qarańǵy tuman túnde edi,
Qara qazaq balasy.
Aı men kún hám juldyz joq,
Jym-jyrt sahra dalasy:
Daý men janjal, partıa
Bolǵan edi arasy.
Jasytyp edi bulardy
Qarańǵy túnniń qarasy.
Jıyrmanshy ǵasyr basynda
Mine allanyń panasy:
Bir jaǵynan aı týyp,
Bir jaǵynan kún týyp,
Jaryq kórdi alashy!
Sholpannan úmit taǵy da:
Birikse eldiń danasy;
Bul úsheýi tizilie,
Beıne qoldyń salasy.
Kóńil menen kózdi ashyp,
Alǵa súırep barasy;
Bul jaryqtar barynda,
Kim adasyp qalasy?

---