InfoHub Logo

Málimetterdi uzaq merzimge saqtaý jáne olardy óńdeý (alý, ózgertý, málimetter qosý t.s.s) máselesi, birinshi kompúterler oılap tabylǵannan bastap-aq kún tártibine qoıyldy. Osy máseleni sheshý maqsatynda 20-ǵasyrdyń 60-jyldarynyń sońǵy jaǵynda MQBJ (Málimetter Qoryn Basqarý Júıesi) dep atalatyn arnaıy programmalar jazyla bastady.

MQBJ óziniń damý jolynda faıldardy basqarý júıesinen bastap, ıerarhıalyq jáne júıelik málimetter qoryn basqarý júıelerin basynan ótkerdi. Sóıtip ótken ǵasyrdyń 80-jyldarynyń aıaǵynda barlyq jerde «Relasıalyq Málimetter Qoryn Basqarý Júıesi» keń qoldanyla bastady. Ár MQBJ óz suraý tiline ıe edi, bul jaǵdaıdy bir qalypqa keltirý úshin SQL (Structured Query Language) dep atalatyn bir til jasaldy. Bul til arqyly relasıalyq málimetter qoryndaǵy málimetter basqarylady.

Málimetter qory men MQBJ-lardy bir-birimen shatastyrmaǵan jón. Málimetter qory MQBJ-lar kómegimen basqarylady. Osy basqarý barysynda SQL tili qoldanylady. Degenmen, kóbinese Málimetter Qory dep MQBJ-lardy ataıdy.

Málimetter qorynyń mynadaı túrleri bar:

1. Faıldardy basqarý júıesi

2. Ierarhıalyq

3. Júıelik

4. Relasıalyq

5. Obektige baǵyttalǵan

6. Gıbrıdti

---