InfoHub Logo

Ańdardyń patshasy arystan báıge jarıalapty. Bir qazan sýdy qaınattyryp qoıyp:

— Osy sýdy kim iship qoısa, kóp syılyq beremin, – degen shart qoıypty.

Ańdar birinen soń biri kelip, qansha ójettense de qaınap turǵan sýdy ishýge batyldary barmapty.

Eń sońynda qoıan kelip, qyp-qyzyl shoqta turǵan qazandy kóterip alady da:

— Ystyqtaı ishýdi óte jaqsy kóremin, – dep jan-jaǵyna qaraıdy.

— Endeshe, ishe ǵoı, – deıdi ańdar ańtarylyp.

Qoıan uzynnan-uzaq qaz-qatar tizilip turǵan ańdardy jaǵalaı júrip:

— Minekı, dostarym, mynaý ystyq sý. Kózderińmen kórińder! – dep, bas-basyna kórsetip shyǵady.

Sóıtip, qoıan ańdardy basynan aıaǵyna deıin aralap shyqqansha, qazandaǵy sý sýyp qalady. Sol kezde qoıan sýdy basyna bir-aq kóterip, simirip salady. Shoshynǵan ańdar aýyzdaryn ashyp, kózderin jumysady.

Al aldanǵan arystan patsha qoıanǵa kóp-kóp syılyqtar bergizip:

— Mine, naǵyz er! – dep maqtapty.