Muǵalim mamandyǵyn tańdaǵan «Altyn belgi» ıegerleriniń sany artty
Táýelsizdik jyldarynda Qazaqstanda pedagogtardyń sapalyq quramy artty. Bul týraly Májiliste Áleýmettik-mádenı damý komıtetiniń jáne «Nur Otan» partıasy fraksıasy janyndaǵy áleýmettik keńestiń birlesken otyrysynda QR BǴM vıse-mınıstri Asqat Aımaǵambetov málim etti.
Otyrys barsynda muǵalim mamandyǵynyń bedelin kóterý máselesi talqylandy.
«Bilim berý júıesinde 285 pedagog qyzmet etedi. 1991 jylmen salystyrǵanda pedagogtardyń sapalyq quramy aıtarlyqtaı artty. Jyl saıyn bilimin jetildirgen, ıaǵnı joǵary bilimdi pedagogtardyń sany joǵarylap keledi. Eger de 1991 jyly olardyń sany 66 paıyz bolsa, búginde bul kórsetkish 90 paıyzǵa jeti. Munymen qosa, birinshi ári joǵary sanatty ıelengen pedagogtardyń úlesi 50 paıyz deńgeıinde. Bul óz kezeginde pedagog kadrlardyń sapalyq damýyn kórsetip otyr», - dedi Aımaǵambetov.
Onyń sózine qaraǵanda, 2014 jyly muǵalimder arasynda 1800 magıstr bolsa, qazirgi kezde olar 4 myńnan asty. Jyl saıyn jalpy bilim beretin mektepterge 10 myńǵa tarta jas muǵalim keledi.
Asqat Aımaǵambetovtyń atap ótýinshe, 2017-2018 jyldary «Bilim» baǵyty boıynsha 8129 grant bólinip, bıyl 756 «Altyn belgi» ıegerleri grantpen bilim salasyna tańdaý jasady. Sońǵy úsh jylda pedagogıkalyq mamandyqtarǵa túskenderdiń UBT boıynsha ortasha baly ósken. Eger de 2015 jyly bul kórsetkish 81 bolsa, 2017 jyly 94-ke jetti.
QazAqparat
You Might Also Like
-
Bul kún,ıaǵnı,15-16 aqpan kúnderi men úshin este qalarlyqtaı sátterge toly boldy..Jýrnalısıka salasyna anyq maxabatymnyń oıanǵan ýaqyty dep aıta alamyn.
-
Búgin QR Parlamenti Májilisi otyrysynda muǵalim mártebesin arttyrý máselesi talqylanyp jatyr. Bilim jáne ǵylym vıse-mınıstri Asqat Aımaǵambetov bul máseleni sheshýdi eń aldymen olardyń eńbekaqysyn kó...
