InfoHub Logo

Búgin QR Parlamenti Májilisi otyrysynda muǵalim mártebesin arttyrý máselesi talqylanyp jatyr. Bilim jáne ǵylym vıse-mınıstri Asqat Aımaǵambetov bul máseleni sheshýdi eń aldymen olardyń eńbekaqysyn kóterýden bastaýdy oń sanaıdy, dep habarlaıdy Baq.kz.

Mınıstrlik ustaz mártebesi basty máselelerdiń biri ekenin jasyrmaıdy jáne vedomstva aldynda birqatar is-sharalar baryn aıtady. Eń birinshi – jalaqyny kóterý máselesi.

«Bıyl jańartylǵan bilim berý mazmunyna kóshken barlyq muǵalimniń jalaqysyn kóterý qabyldandy. 1, 2, 5, 7 synyp muǵalimderi, 2018-2019 oqý jyly, ıaǵnı qyrkúıekte 3, 6, 8 synyp jańartylǵan mazmunǵa kóshedi, osy synyptarǵa sabaq beretin muǵalimderdiń eńbekaqysy Elbasynyń tapsyrmasymen 30%-ǵa artady. Búginde Úkimet ózgerister engizdi, ol jańa júıe boıynsha sanat alatyn muǵalimderdiń eńbekaqysyn 30%-dan 50%-ǵa deıin arttyrý josparlanyp otyr», - dedi vıse mınıstr.

Onyń aıtýynsha elimizde orta bilim berý mekemelerinde 285 996 pedagog jumys isteıdi. 1991 jylmen salystyrǵanda pedagogtardyń sapalyq quramy aıtarlyqtaı jaqsarǵan.

«Jyldan jylǵa joǵary bilimi bar muǵalimder sanynyń ósý úrdisi baıqalady. Mysaly muǵalimderdiń jalpy sanynan joǵary bilimdi muǵalimderdiń úlesi 1991 jyly 66%, búginde 90%-dy quraıdy, sonyń ishinde joǵary sanattaǵy muǵalimder úlesi - 51%. Pedagog-magıstrler sany 2014 jyly 1800 bolsa, búginde bilim berý mekemelerinde 4 myńǵa jýyq magıstrler jumys isteıdi, ıaǵnı eki ese artqan. Jyl saıyn orta eseppen 10 myńnan astam jas maman keledi», - dep vıse-mınıstr elimizdegi muǵalimder statısıkasyna toqtalyp ótti.

---