Mektep dırektorlaryna eńbekaqy tóleýde ózgerister engizilmek
Mektep dırektorlary úshin eńbekaqyny saralanǵan túrde tóleý qarastyrylyp jatyr. Bul týraly Májiliste Áleýmettik-mádenı damý komıtetiniń jáne «Nur Otan» partıasy fraksıasy janyndaǵy áleýmettik keńestiń birlesken otyrysynda QR BǴM vıse-mınıstri Asqat Aımaǵambetov málim etti.
«Muǵalimderdiń eńbekaqysyna qosymsha aqy eskerilgen. Alaıda mektep dırektory men onyń orynbasarlaryna, oqý isiniń meńgerýshilerine qatysty problema bar. Biz osy máseleni attestasıa arqyly júıeli sheshýdi kózdep otyrmyz. Qazirgi kezde mektep dırektorlary úsh jylda bir márte azamattyq qyzmetkerler retinde attestasıadan ótedi. Degenmen de ol shaǵyn nemese úlken mekteptiń dırektory bolýyna, mekteptiń tolyqtyǵyna, sondaı-aq dırektordyń qanshalyqty tıimdi jumys atqarýyna qaramastan, onyń eńbekaqysy óspeı keledi. Iaǵnı ústeme aqy qarastyrylmaǵan», - dedi Aımaǵambetov.
Osy oraıda ol mınıstrlik orta bilim berý uıymdaryndaǵy dırektorlarǵa jáne olardyń orynbasarlaryna eńbekaqyny saralaý týraly máseleni qarap jatqanyn jetkizdi.
Budan bólek, vedomstvo mektep dırektory men orynbasarlaryna jarty stavkaǵa pán júrgizý múmkindigin qaıtaryp berýdi usyndy.
Aıta keteıik, búgingi otyrys barsynda muǵalim mamandyǵynyń bedelin kóterý máselesi talqylandy.
QazAqparat
You Might Also Like
-
Elbasy «Qazaq tili álipbıin kırıllısadan latyn grafıkasyna kóshirý týraly» Qazaqstan Respýblıkasy Prezıdentiniń 2017 jylǵy 26 qazandaǵy №569 Jarlyǵyna ózgeris engizdi. Bul týraly Aqordan...
-
Qazaqstanda mektepter men ata-analar arasynda kelisim bekitý josparlanyp otyr. Bul týraly Májiliste Áleýmettik-mádenı damý komıtetiniń jáne «Nur Otan» partıasy fraksıasy janyndaǵy áleým...
