InfoHub Logo

Memleket basshysy Qasym-Jomart Toqaevtyń tóraǵalyǵymen Qaýipsizdik Keńesiniń otyrysy ótip, onda elimizdiń kólik-logıstıka salasyn damytý máseleleri qaraldy. Jıyn barysynda Kólik mınıstri Marat Qarabaev pen birqatar ortalyq memlekettik organdar basshylarynyń baıandamalary tyńdaldy.

Prezıdent kólik salasyndaǵy qordalanǵan máseleler men belgilengen mejelerdiń oryndalmaýyn synǵa alyp, bul jańǵyrtý jumystaryn tejep otyrǵanyn atap ótti. Ol shekaradaǵy júk ótkizý qıyndyǵyn, ótkizý beketteriniń tozǵanyn jáne iri ınfraqurylymdyq jobalardyń keshigýin aıryqsha atap kórsetti.

Qasym-Jomart Toqaev "Jasyl dáliz" júıesin engizý arqyly logıstıkalyq áleýetti tıimdi paıdalanýǵa úndedi. Onyń aıtýynsha, qazirgi jahandyq syn-qaterler jaǵdaıynda Qazaqstan óziniń básekelestik artyqshylyǵyn nyǵaıta túsýi tıis.

Sondaı-aq, Prezıdent júk tasymaly kólemin arttyrý úshin avıaotynmen qamtamasyz etý mańyzdy ekenin aıtty. Ol elimizdiń jahandyq jetkizý tizbekterine belsendi qosylýy jáne júk tasymaly kólemin kóbeıtý mindetin qoıdy.

Jıyn sońynda Memleket basshysy mınıstr Marat Qarabaevqa jumysyndaǵy kemshilikter úshin sógis jarıalap, kólik-logıstıka salasyndaǵy túıtkilderdi sheshý boıynsha naqty sharalar qabyldaýdy tapsyrdy.