InfoHub Logo

Muhtar Áýezov - qazaq ádebıetinen oıyp turyp oryn alǵan jan. Onyń ereksheligin  ańyzǵa aınalǵan Ahmet Baıtursynov atamyz óz hatynda aıtyp ótken:

Ashylar qashan bul qara túnek,
Sońymnan ergen qýatty bir lek,
Úrkerdeı shoǵyr kele atqan túıdek.
Mirjaqyp, Sáken, Maǵjan men Muhtar,
Bolsa eken aman dep tilek tilep.

Muhtar Áýezovtyń ár shyǵarmasy tunyp turǵan danalyq, fılosofıalyq oı. Ol kisi shynaıy  bolǵan oqıǵalardy ádebı sózdermen kórkemdeı otyryp halqyna jetkizgen. Sondaı shyǵarmalarynyń biri "Qorǵansyzdyń kúni". Bul týyndyny oqyǵan saıyn kózge eriksiz jas keledi.
Týystardyń meırimsizdigi, jetim-jesirdiń qaıǵysy men sharasyzdyǵy, Qaltaıdyń aram pıǵyly, ardan bezgen bolys.

Úı ishi jym-jyrt. Bul úıdiń jany qara jamylǵan úsh áıel. Úsheýiniń qaıǵy muńy ortaq. Ol ajal. Sum ajal olardyń súıenishterin baqılyqqa alyp ketti. . .

Keıýana muńyn shaǵyp el aǵasy ǵoı kómek qolyn sozar degen úmitte boldy. Bolys qarıany túsingen, jany ashyǵan keıip tanytyp otyrǵanymen, Aqan áńgime boıy jemtigin kórgen quzǵyndaı eki kózi Ǵazızada boldy. . .

Ǵazızanyń jan-dúnıesi alaı-dúleı, tabıǵatta ony túsingendeı ulyǵan boran údeı tústi. Jaýyzdyqtyń jas qurbany qasiretke toly ómiriniń  azapty aq túteginen adasyp, ólimge bet aldy.

Qorǵansyzdyń kúni qashanda qorǵansyz, olar árdaıym ádiletsizdik pen ozbyrlyq qurbany. M. Áýezov qoǵam basyna túsken osy tragedıany shaǵyn ǵana áńgimemen jetkizse de, onyń aýqymy óte úlken. Qaı elde, qaı ǵasyrda bolmasyn ár zamannyń óz Aqany, óz Ǵazızasy bar.
Ókinishke oraı, qoı ústine boztarǵaı jumyrtqalaǵan qazirgi kezde de "Qorǵansyzdyń kúni" sol baıaǵydaı. . .

Arýjan Beketqyzy Abylaı Han Atyndaǵy Qazaq Halyqaralyq Qatynastar Jáne Álem Tilderi Ýnıversıtetiniń 1 kýrs stýdenti

---