InfoHub Logo

Synyptan tys ashyq sabaq

Sabaqtyń taqyryby: Mýzyka áleminde
Sabaqtyń maqsaty: Oqýshylardyń mýzykalyq mádenıetin qalyptastyrý, mýzyka arqyly rýhanı baı, adamgershiligi mol shyǵarmashyl tulǵany qalyptastyrý
Sabaqtyń mindetteri:
1. Oqýshylardyń aqparattyq – tehnologıa arqyly mýzykalyq qabiletterin damytý.
2. Oqýshylardy ulttyq mýzyka ónerine, mádenıetine degen súıispenshilikke tárbıeleý.
3. Balalardyń mýzykalyq áserin keńeıtý, shyǵarmashylyq belsendiligen arttyrý.
Oqýshylardy toptyq jumysta ózara yntymaqtastyqqa:
top ishinde birlesip jumys jasaý arqyly, bir - birinen úırenedi;
ortada oılaryn saralap jetkizýine múmkindik bolady;
jumys áreketinde bir - birin tyńdaý, qoldaý arqyly bilim mazmunyn ıgerýge qol jetkizedi;
mýzyka tyńdaý jáne án aıtý erejelerin eske túsiredi;
Oqytý tehnologıasy:
1. Aqparattyq tehnologıa
2. Ujymdyq oqytý tehnologıasy.
3. Oıyn tehnologıasy.
4. Synı turǵydan oılaý tehnologıasy.
Sabaqtyń tıpi: jańa bilimdi ıgertý
Sabaqtyń túri: synyptan tys ashyq sabaq.
Sabaqtyń ádisteri: kirispe suraqtary, úlestirmeli paraq, BÚÚ kestesi, baǵalaý suraqtary, mýzykalyq - dıdaktıkalyq oıyndar;
Sabaqqa qajetti quraldar men kórnekilikter:
1. Quraldar: mýltımedıa, ınteraktıvti taqta, elektrondy oqýlyq, kompúter, án - kúı taspa, markerlik taqta, marker, mýzykalyq aspaptar;
2. Kórnekilikter: Sýretter, slaıdtar, tapsyrmalar kestesi, baǵalaý kestesi;
Pánaralyq baılanys: ana tili jaratylys taný, tarıh, beıneleý óneri;
Kútiletin nátıje: Balalardyń jalpy mýzykalyq saýattylyǵymen halyq mýzykasy jáne kásibı mýzyka jaıly bilimderin tekserý, baǵalaý.
6. Keri áser paraǵy. ( Búgin men ne úırendim? Maǵan ne unady, ne unamady? Jańa sabaq boıynsha suraq nemese pikiriń...)

1. Uıymdastyrý kezeńi. Qyzyǵýshylyqty oıatý.
Sabaqtyń taqyryby men maqsaty habarlanady.
«Mýzyka áleminde»
Júrgizýshi: Qurmetti ustazdar, oqýshylar jáne qonaqtar!
«Ónerli órge júzer» atty «Óner» birlestiginiń on kúndigine baılanysty ótileıin dep otyrǵan, 5 - 6 synyptar arasyndaǵy «Mýzyka áleminde» atty saıahat sabaǵymyzǵa qosh kelipsizder!
Saıysymyzdy bastamas buryn, saıysqa qatysatyn oqýshylarymyzdy tanystyryp ótýge ruqsat etińizder!
Búgingi saıysymyz da «Mýzyka patshalyǵyna» saıahat jasaıtyn bolasyzdar! Sizder qarsy bolmassyzdar dep oılaımyn.
Sahnaǵa Mýzyka patshaıymy shyǵady. Jan - jaǵyna tańdana qaraıdy.
Mýzyka patshaıymy: Sender kimsińder, qaıdan keldińder?
Júrgizýshi: Biz Taraz qalasyndaǵy №36 mektepten keldik, sizderdiń patshalyqqa saıahat jasaýǵa bolady ma?
Mýzyka patshaıymy: Árıne bolady, bilgim keledi, kórgim keledi, úırengim keledi degenderge árdaıym esigimiz ashyq. Qosh kelipsińder! Meniń hansha qyzym qaıda, qonaqtardy qarsy almaısyń ba?!
Hansha qyz: Qup bolady! Hansha qyz án oryndap beredi.
Qalıa Seıitqalyqyzynyń áni - Alaqaı.

Mýzyka patshaıymy: Sizderge unady ma? Mýzyka patshalyǵyna kelgender mindetti túrde, meniń jeti tapsyrmamdy oryndaıdy. Daıynsyńdar ma balalar?! Meniń nókerlerim qaıdasyńdar?
Sahnaǵa jeti nota shyǵyp, bı bılep án salady. «Kóńildi án»
Mýzyka patshaıymy: Meniń myna nókerlerimdi tanısyńdar ma? Onda qane bárimiz birge - do, re, mı, fa, sol, lá, sı. Endi osy jeti notanyń tapsyrmasyn oryndaısyńdar. Kimniń jeńgenin meniń ýázirlerim anyqtap, upaı berip otyrady. Qaı toptyń jeńgenin, alǵan upaıdyń sanyna qarap anyqtaımyz.
Ár topqa eki sandyqsha beremiz. Osy sandyqshaǵa upaılaryńdy salasyńdar.
Daıyn bolsańdar, birinshi tapsyrmany alyp kelińder!
Do notasy mýzyka áýenimen bılep kelip, hanshaǵa tapsyrma salǵan konvertti beredi.
Hansha qyz konvertti ashyp, ishinen eki qaǵazdy alady. Eki toptan eki oqýshy shyǵyp, tapsyrmany tańdap alady.

1 - shi tapsyrma - sýrettegi notalardyń uzaqtyǵyn atap, sanap berý.
Mýzyka patshaıymy óziniń ýázirlerimen aqyldasyp, sandyqshalarǵa upaılaryn salady.
2 - shi tapsyrmany mýzyka áýenimen, bı bılep, re notasy hanshaǵa konvertti beredi.
2 - shi tapsyrma «Mýzykalyq jumbaq» Sýret boıynsha, mýzyka tyńdap, shyǵarmanyń atyn, avtoryn tabý. Bul tapsyrma boıynsha, «Kúı saraıyna» baramyz.
3 - shi tapsyrmany mı notasy hanshaǵa ákelip beredi.
3 - shi tapsyrma: Ándi tyńdap, qaı án ekenin taýyp jatqa oryndap beredi. Bul tapsyrma boıynsha «Án saraıyna» barasyńdar.
Aıtylatyn ánder: «Balbulaq» Qalıa Seıitqalyqqyzy, «Baldáýren» Sh. Sarıev, E. Sledtınov.
4 - shi tapsyrmany fa notasy ákeledi.
4 - shi tapsyrma: «Mýzykalyq aspaptar» saraıyna baryp, aspaptardyń únin estip, qaı aspap ekenin tabý.
5 - shi tapsyrmany sol notasy alyp keledi.
5 - shi tapsyrma: berilgen notalardy nota syzyǵyndaǵy óz ornyna ornalastyrý.
6 – shy tapsyrmany lá notasy hanshaǵa ákelip beredi.
6 - shy tapsyrma: Kompozıtordyń sýretine qarap, kim jáne qandaı shyǵarmalaryn bar ekenin toptastyrý ádisteri boıynsha toptastyrady.
Arasyndaǵy úziliste Mýzyka patshaıymy án oryndaıdy.
7 - shi tapsyrmany sı notasy ákeledi.
7 - shi tapsyrma: Qazaq jalqynyń salt dástúrlerimen ulttyq oıyndary týraly sýretke qarap ataıdy. Salt - dástúr men ulttyq oıynnyń ishinen tańdap, oınap kórsetedi. Mysyly: besikke salý, jar - jar, asyq oınaý, qyz qýý t. b.

Mýzyka patshaıymy: Osymen bizdiń tapsyrmamyz aıaqtaldy. Sender meniń barlyq tapsyrmamdy oryndadyńdar. Sandyqshalardy ashyp, upaılaryńdy sanaımyz, eki topta meniń oıymnan shyqty. Mynaý senderdiń maqtaý qaǵazdaryń men syılyqtaryń! Maqtaý qaǵazdar men syılyqtardy tapsyrady.
Senderge «Mýzyka patshalyǵynyń» esigi árdaıym ashyq. Kez kelgen ýaqytta senderdi qýana qarsy alýǵa daıynmyn. Óz halyqtaryńnyń mýzykasyn, ónerin qasterlep, saqtap júrińder. Qazaq halqynyń mýzykasy senderdeı urpaǵy barda máńgi jasaı beredi!

Júrgizýshi: Osymen «Mýzyka áleminde» saıahat sabaǵymyz aıaqtaldy.
Mýzyka sabaǵynan alǵan bilimderińdi saıahat barysynda jaqsy kórsete bildińder. Mýzyka bizdiń ómirimizde óte mańyzdy rol atqarady. Sondyqtan da tek mýzyka sabaǵynda ǵana án aıtyp, mýzyka tyńdamaı, kez kelgen ýaqytta án aıtyp, kúı tyńdap júrseńder, únemi kóńildi, sharshamaı júrip, ómirde kezdesetin kez kelgen qıyndyqty jeńetinderińe kámil senemin!
Búgingi sabaǵymyzdy halqymyzdyń mynadaı dana sózimen aıaqtaǵym kelip otyr: «Aqylyń bolsa án tyńda!»