InfoHub Logo

Mýzyka- júrek tili Mýzyka adam janyn tebirentetin, erekshe kúı keshtiretin, kóńil-kúı syılaıtyn ózge álem. Ol tap bir jánnat sekildi. Óte ádemi ári áýezdi. Ol álemge barǵanda sen mol baqytqa kenelesiń, ómirdi basqalaı sezinesiń, dúnıeni basqa qyrynan tanısyń . Bul oqıǵadan sen erekshe áser alasyń. Ádette mýzykany kóńildiń kilti dep ataıdy. Sebebi, mýzyka tyńdaǵan adamnyń kóńili lezde kóterilip, ózin sabyrǵa shaqyra bastaıdy. Mýzykanyń ereksheligi sondaı, ol kez-kelgen adamnyń jan-dúnıesin, ishki sulýlyǵyn, júregin sezinýge kómektesedi. Ol arqyly biz adamnyń júregindegi jylýlyqty, meıirimdilikti sezine alamyz. Mýzyka- osy álemdegi eń qudiretti, qasıetti uǵym. Biz ony qudiretteý arqyly boıymyzǵa jaqsy qasıetterdi sińire alamyz. Biz mýzykany oryndaýshy arqyly sezinemiz. Oryndaýshynyń sheberligi onyń tabıǵılyǵy arqyly mýzyka áýezdele beredi. Solaı ol tyńdaýshylardyń júregine jol tabady. Al qazir sol kórermenniń unatatyn ánshileri Maıra İlıasova, Bıbigúl Tólegenova, Maqpal Júnisova. Olar mýzykanyń qasıettiligin, kıeliligin biletin jandar. Sahnanyń jaınaǵan gúlderi desek te bolady. Mine, mýzykany solaı baǵalap, qasterleý qajet. Ótken ǵasyr ánshileri mýzykanyń qasıettiligin bildi. Al qazirgi zaman she? Qazir ótken ǵasyrdaǵydaı maǵynaly, kerbez ánder bar ma? Árıne joq. Sebebi, qazir zaman ózgerdi. Zaman ózgergen soń, mýzyka baǵyty da ózgerdi. Qazir Qazaqstannyń ózinde eki adamnyń bireýi ánshi. Onyń daýysy bar ma, ándi naqyshyna keltirip oryndaı ala ma oǵan eshkim mán berip jatqan joq. Tek onyń aqshasy bolýy kerek, ánniń maǵynasy bar m, joq pa oǵan nazar aýdaryp jatqan eshkim joq. Búgin ánshi, erteń prodúser, búrsigúni akter bolyp ketetini de bar. Al men oǵan qarsymyn. Mýzykanyń ásemdigi, áýezdiligi joıylyp ketip jatyr. Maǵynasyz ánderden jas urpaqtyń, ásirese biz sıaqty balalardyń oıy tómendep jatyr. Solarǵa eliktep ósip kele jatyrmyz. Bul degen múlde durys emes. Mýzyka atty erekshe álemdi kirletip jatqan ánshilerdi shoý-bıznesten qýý kerek. Olardyń ornyna dástúrli ánder oryndaıtyn ánshilerdi qasterlep, memleketten aqsha bólip, solardyń damýyna úles qosýymyz kerek. Sonda ǵana ejelgi mýzyka qalpyna kelip, elimizdiń durys qalyptasýyna áser etedi. Negizinen, biz bul jaman qylyqtyń bárin sheteldikterden úırenip kele jatyrmyz. Olar ne istese biz sony isteımiz. Olar shashyn boıasa, bizde boıap alamyz. Syrǵa taqsa, bizde taǵyp alamyz. –Biz emes shetel bizge elikteıtindeı halyq bolýymyz kerek. Mýzyka qazaq halqynyń ejelden kele jatqan salt- dástúri, ádet- ǵurpy. Eger ony dáriptemeıtin bolsaq, biz qazaq emespiz. Qazaq halqy mýzykaǵa , ónerge óte jaqyn halyq bolǵan. Sol sebepti, biz mýzykany qurmettep, ony kıeli sanaýymyz kerek. Biraq, ókinishke oraı, biz bárin kerisinshe isteımiz. Mýzyka men úshin baǵasy zor nárse. Men óskende osy mýzyka álemine ózimniń eńbegimdi sińirgim keledi. Eger sol armanym elime de paıdasyn tıgizse, men óte qatty qýanatyn edim. Bul men úshin úlken jetistik bolatyn edi. Mýzykany men adamǵa teńeımin. Onyń da ishki jan-dúnıesi, ishki sulýlyǵy, júregi, sezimtaldyǵy bar. Onyń muńly, qýanyshty qalyptary bar. Kózden jas aǵyzyp, qýantatyn da sátteri bar. Ol mýzykanyń tabıǵatyna qaraı bolatyn qubylys. Negizinen, mýzyka sabyrlylyqty, kóp eńbekti qajet etetin ǵylym. Ol jolda birden jetistikke jetý múmkin emes. Ol úshin arnaıy kýrstarǵa baryp, kóp daıyndalý qajet. Eń bastysy, mýzykany óz erkińmen qalap, ony júregińmen sezine bilý. Mýzyka tyńdaǵanda da basty qaǵıda osy. Sen ony estý arqyly boıyńdy sergitip, barlyǵyn umytyp, ózińdi jónge keltire alasyń. Negizinen, mýzyka barlyq jerde kezdesedi. Túrli mereke, meıramdar mýzykasyz ótpeıtini anyq. Ásirese, toı-tomalaq, oıyn-saýyq mýzykasyz ótpeıdi. Sol sátterde úlken kisilerdiń ózi kishkentaı balalar sekildi kóńil kóteredi. Ómirdiń barlyq qıyndyqtaryn, mazalaǵan oılardan bir sát arylyp, shalqyp-tasyǵannan artyq baqyt bar ma? Ol arqyly sen mıyńdy jattyqtyryp úlken bir serpilis jasaısyń. Mýzyka- qupıaǵa toly ǵylym. Mýzykanyń ashylmaǵan syrlary óte kóp. Qaıdan bastaý alyp, qalaı damyp, qalaı órkendep, qalaı aıaqtalatynyn da eshkim bilmeıdi. Alaıda, án óneri elimizdiń sarqylmas qazynasy. Ony sezine bilý ár adamnyń óz qasıetterine baılanysty. Onyń qıyn da, qyzyq oqıǵalaryn, áserli de, sabyrly sátterin, bárin, bárin seziný seniń boıyńdaǵy asyl qasıetterge baılanysty. Al jaqsy qasıetter seniń júregińnen shyǵady. Árbir adam mýzykany árqalaı sezinedi. Bireýi aqylymen sezinse, endi bireýi ony janymen sezinedi. Biraq, eń bastysy mýzyka júrekten shyǵyp, júrekke jetýi kerek. Sebebi, mýzykasyz ómirdiń máni joq. Mýzykasyz ómir súreńsiz ári qyzyqsyz bolyp ketedi. Sondyqtan da men óz ómirimdi mýzykaǵa arnaǵym keledi. Óskende Bıbigúl Tólegenova, Roza Baǵlanova apalarymyz sekildi bulbul daýysty ánshi bolyp, Qazaqstandy álemge tanytsam, elimizdi damyǵan otyz eldiń qataryna qosýǵa kishkentaı bolsyn úlesimdi qosa alsam, meniń armanym joq bolar edi. Mýzykany damytý bizdiń myna jas urpaqtyń qolynda. Biz ol múmkindikti maǵynasyz ánderge emes, qazaqı, halyq ánderi jolynda jumsaýmyz qajet. Sonda ǵana qazaq eli aıaqqa turyp, berik ári berekeli memleketke aınalatyn edi. Mýzyka bul meniń ómirimniń máni. Men ony ajyramas tiregime, arqa súıerime aınaldyrǵym keledi. Al qazir men mýzykany bar júregimmen sezinýge talpynyp júrmin. Eger sen ony júregińmen tyńdasań, barlyǵyn sezine alasyń. «O, Mýza, Mýza» dep jyrlaǵan Muqaǵalı da mýzykanyń kıeliligin bilgen. Ol ánshi bolmasa da aqyn bolyp mýzykaǵa óz ónerin qosty. Mýzyka ár adamǵa talant, shabyt syılaıdy.Iá, qazir daryndy ánshiler bar. Alaıda, jaqsy toptar óte az. Tipti ekeý desek te bolady. Olar Nur Muqasan jáne Dos Muqasan toptary. Olardyń ánderi óte maǵynaly ári áýezdi. Biraq ol toptardy halyq Ninety one atty toppen almastyrdy. Olar halyqtyń buzylýyna áser etti. Ádemi mýzykanyń buzylýyna áser etti. Árıne bul óte jaman. Sondyqtan, biz túzelýimiz qajet. Júrekpen sezinetin mýzyka qaıda? Qaıda? Biz árqashan mýzykany júrekpen sezinýimiz kerek. Sebebi, qandaı zaman, qandaı ǵasyr bolmasyn mýzyka-júrek tili!

---