InfoHub Logo

Bilim jáne ǵylym mınıstri Ashat Aımaǵambetov JOO basshylaryn qaǵazbastylyqtan arylýǵa shaqyrdy.

«Qaǵazbastylyqtan arylý máselesin tek mektep tóńireginde sheship qana qoımaı, mektepke deıingi uıym, kolej ben JOO-larda da qarastyrý kerek. Iaǵnı, máselege keshendi qaraǵan abzal. Sol sebepti bul baǵyttaǵy jumys bilim berýdiń barlyq deńgeıi boıynsha júrgiziledi», - dedi Ashat Aımaǵambetov ýnıversıtet basshylarymen ótkizgen onlaın rejımdegi jıynda.

Mınıstrdiń aıtýynsha Bilim jáne ǵylym mınıstrligi mektep dırektorlary men JOO rektorlarynan talap etiletin qujattardyń tizimin qarastyryp, taldap jatyr.

«Olardyń jartysyn qarastyryp, kóbin alyp tastadyq. Iaǵnı kóbi aldaǵy ýaqytta talap etilmeıdi. Máselen JOO-larǵa keler bolsaq, olardan kafedra jumysynyń josparyn endi suramaımyz. Sol sekildi emtıhandyq vedomstvolar, qorytyndy atestattaý ótkizý otyrysynyń túpki hattamasyn, biliktilik tapsyrý boıynsha ótken otyrystyń qorytyndy hattamasyn da suramaıtyn bolamyz. Bizdiń oıymyzsha, bul jumystar BǴM qadaǵalap otyratyn mindetter emes. Mınıstrlik strategıalyq máselelerge nazar aýdarýy kerek. JOO basshylaryn osy rette bizdiń izimizben kereksiz qujattardyń bárin alyp tastaýǵa shaqyramyz. Barynsha azaıtýymyz kerek», - dedi ol.

Eske sala ketsek buǵan deıin QR Bilim jáne ǵylym mınıstri Ashat Aımaǵambetov balabaqsha, mektep pen kolejde qaǵazbastylyqtan arylatyn kún kelgenin málim etken bolatyn. Mınıstrdiń aıtýynsha pedagogty qosymsha qujat toltyrýǵa mindettegenderge iri kólemde deıin aıyppul salý kózdelgen.

---