InfoHub Logo

Bilim jáne ǵylym mınıstrligi qashyqtan oqytýǵa baılanysty bólimdi jıyntyq baǵalaý (BJB) men toqsandaǵy jıyntyq baǵalaý (TJB) máselelerin tikeleı efırde talqylady. Taraptar birigip, ádistemelik usynystardy bekitetin bolady. Bul týraly QR BǴM Mektepke deıingi jáne orta bilim komıtetiniń tóraǵasy Maıra Meldebekova aıtty.

«Dúısenbi kúni qashyqtan oqytýdyń 4-toqsanynyń tórtinshi aptasy bastalady. Jalpy, úsh apta boıy oqýshylarymyz, ustazdarymyz josparlanǵan júıege sáıkes jumystaryn jasap jatyr. Bul ustazdarymyzǵa, oqýshylarymyzǵa jańa tájirıbe bolyp tur. Oqý prosesi belgilengen tártippen oqýshylardyń, ata-analardyń jáne pedagogtardyń tehnologıalyq daıyndyǵyna sáıkes, sonymen qatar birneshe platforma arqyly júrip jatyr», — dedi komıtet tóraǵasy.

Osy rette ol 1-10 synyp oqýshylaryna IV oqý toqsanynda bólim boıynsha jıyntyq baǵalaý men toqsan boıynsha jıyntyq baǵalaý qalaı ótkiziletindigin túsindirdi.

«Ádistemelik usynys daıyn. Ol usynys Bilim jáne ǵylym mınıstrliginiń №125 buıryǵy boıynsha oqýshylardyń úlgerimine aǵymdaǵy baqylaýdy ótkizý úlgilik qaǵdıattaryna sáıkes daıyndaldy. 1-10 synyptarda aptalyq júktemesi 2 jáne odan artyq saǵat bolatyn pánderde bólim boıynsha 1 jıyntyq jáne 1 toqsandyq baǵalaý jumysy, ıaǵnı 1 TJB, 1 BJB bolady. Al oqý júktemesi aptasyna 1 saǵatty quraıtyn oqý pánderinnen 1 bólim boıynsha jıyntyq baǵalaý ótkiziledi», — dedi Maıra Meldebekova.

Komıtet basshysynyń aıtýynsha, jańartylǵan bilim berý baǵdarlamasyna kóshpegen 11-synypta baqylaý jumysy bolady.

«1 baqylaý jumysynyń nátıjesinde toqsandyq qorytyndy shyǵarylady», — dedi ol

---