InfoHub Logo

Nan dastarhanǵa qalaı keledi? «Baýyrsaq»
Bilim berý salasy: «Tanym» «Shyǵarmashylyq».
Uıymdastyrylǵan oqý is - áreketiniń túri: Ekologıa. Músindeý.
Maqsaty: Balalardy aınaladaǵy dúnıemen tanystyrý. Balalarǵa nannyń adam eńbegimen keletinin, oǵan kóp kúsh jumsalatynyn túsindirý. Sondyqtan nandy qasterleý, jerge tastamaý kerektigin bildirý. Eńbek adamyn qurmetteýge baýlý. Aýylsharýashylyǵyndaǵy tehnıka ataýlarymen tanystyrý; aýylsharýashylyq adamdardyń eńbegin qurmetteýge tárbıeleý. Ermeksazdan músindeýdiń ártúrli ádisterin qoldanyp pishinder jasaý. Shyǵarmashylyq qabiletterin damytý, uqyptylyqqa úıretý
Qoldanylatyn kórneki quraldar:: Foto - sýret, «Kóktemgi egis alqaby» «Nan ómir tiregi», «Tuqym sebý», «Kolhoz dalasynda», «Elevator», «Naýbaıhana», baýyrsaq, baýyrsaqtyń sýreti,
Qajetti qural - jabdyqtar: taqtaısha, ermeksaz, súrtkish, taıaqsha, qatty qaǵaz.

Balany tapsyrmany oryndaýǵa qyzyqtyrý (talpyndyrý)
«Shattyq sheńberi»
Qýanamyn men de,
Qýanasyn sen de,
Qýanaıyq dostarym,
Jarqyraǵan kúnge!

Balalardy izdenýshilikke uıymdastyrý
- Balalar qazir jyldyń qaı mezgili?
- Qaı aı eken?
- Al qysta qandaı ózgeristerdi baıqaısyńdar?
- Durys aıtasyńdar. Al biz tańerteń uıqydan turǵannan soń ne isteımiz?
- olaı bolsa kúnde tamaqtanǵan ýaqytta biz dastarhanǵa qandaı taǵamdy qoıamyz eken?
- Árıne nan. « As atasy nan» dep bekerge aıtpaǵan eken ata babamyz. Al olaı bolsa osy basty taǵamymyz nan dastarhanǵa qalaı keldi?
- Árıne úlken eńbektiń arqasynda keledi eken.
- Balalar nannyń qalaı jasalatyn jolyn myna sýretke qarap aıtaıyqshy. Kóktemde dıqanshylar egin salasyna sepken tuqymy jazdaı ósip, masaq bastary dánge tolyp kúzde sary altyndaı jaıqalǵan alqapqa aınalady. Sol kezde egis dalasyna kombaındar shyǵady. Kombaın egin orady, jınaıdy, bastyrady. Bastyrylǵan dán kombaınnyń janyna júk mashınasy keledi. Arnaýly tetik kombaın óńeshi arqyly qaýyzynan arshylǵan dán mashına qorabyna quıylady. Mashına astyqty tıep alyp, qyrmanǵa áketedi, qyrmanda astyqty tazalap, keptiredi. Sodan soń baryp elevatorǵa jóneltedi. Elevatordan astyqty qajet kezinde dıirmenge jiberedi, dıirmenshiler ony tazartyp, un jasaıdy. Undy nan pisirý úshin naýbaıhanalarǵa jiberedi. Naýbaıhanadan naýbaıhanashylar nan pisiredi de, ony dúkenderge jiberedi eken.

Atyraý qalasy, Atyraý oblysy,
Erkinqala selosy, Erkinqala orta mektebiniń
mektepaldy daıarlyq tobynyń tárbıeshisi
Kýzembaeva Laıla Seıtkalıevna

Nan dastarhanǵa qalaı keledi? «Baýyrsaq» júkteý