InfoHub Logo

Qalmaq rýy, qypshaq taıpasy Baıseke batyrdyń balasy Qoıshybaı on eki jasynda bir baıǵa qoıshy bolyp qoı baǵyp júrgende, ala quıyndatyp shaýyp kele jatqan bireýdi kóredi. «Álgi kele jatqan adam eńkeıip eki jaǵynan da kezek qum ýystap shasha otyryp, sol boıymen maǵan kelip: «Bul kimniń qoıy, aýylyń qaıda?» — dep surady, men aýyldyń jónin kórsetip qala berdim, shaba jóneldi. Ol adamnyń óńi jas ta, tulǵasy men túri batyr syndy. Artynan qoıdy aıdap kelsem, álgi kisi baıdyń úıinde (baı aqsaqal adam edi) ertek aıtqyzyp tyńdap otyr eken. «Batyr qýyp kelip jaýyn taba almaı qalypty» dep baı aqsaqal ertektiń aıaǵyn toqtatty. Sonda álgi jigit:

— Jaýy qaıda jan saqtap qalypty? — dep surady.

— Myna sekildi kebejege kirip ketipti, — dedi aqsaqal.

Bul sekildi kebejege kirip ketse, nege shaýyp jibermegen?— dep jigit qylyshymen shaldyń kebejesin eki bólip tastaıdy. Artynan surastyryp qarasam, bul kisi Naýryzbaı eken. Sonda Naýan on eki jasynda menimen túıedeı qurdas eken», — dep áńgimesin bitiredi eken Qoıshybaı batyr.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

---