Nazarbaev jańa álipbı jobasyn bekitý týraly jarlyq daıyndaýǵa tapsyrma berdi
Memleket basshysy Prezıdent Ákimshiliginiń Basshysy Ádilbek Jaqsybekov pen Prezıdent Ákimshiligi Basshysynyń birinshi orynbasary Marat Tájındi qabyldady, dep habarlaıdy Aqordanyń baspasóz qyzmeti.
Kezdesýde Nursultan Nazarbaev latyn qarpine negizdelgen qazaq álipbıiniń sońǵy jobasy qyzý talqylanyp, qoǵam tarapynan qoldaý tapqanyn atap ótti.
«Latyn qarpine negizdelgen qazaq álipbıiniń usynylǵan jobasyn bekitý týraly jarlyq shyǵarý qajet. Komısıa jumysyn aıaqtady. Sońǵy nusqa jarıalandy. Ǵalymdar, tiltanýshylar, saıasatkerler, jastar jáne Qazaqstan halqy Assambleıasynyń ókilderi ortaq mámilege keldi. Jalpy, qoǵam qoldap otyr», - dedi Qazaqstan Prezıdenti.
Memleket basshysy qazaq álipbıin latyn qarpine kezeń-kezeńmen jáne júıeli túrde kóshirýdiń mańyzdylyǵyna nazar aýdardy.
Sonymen qatar, Elbasyǵa memlekettik tildi latyn qarpine kóshirý jónindegi jobany iske asyrý úshin qurylǵan jumys tobynyń atqarǵan qyzmeti týraly baıandaldy.
You Might Also Like
-
Eń áıgili, eń baı, eń kóne, eń bedeldi jáne taǵy da eń baı amerıkalyq ýnıversıtet. Stýdentterge AQSH Memlekettik hatshysy dáris oqıtyn, al dıplom - balalyq shaǵynan barlyq mansapkerlerdiń armany bolǵa...
-
№16 kolejiniń T-54 top stýdenti Qaldan Baljan Qurmanǵazyqyzy
