InfoHub Logo

Qazaqstandaǵy jetekshi joǵary oqý oryndarynyń biri – Nazarbaev ýnıversıtetinde endi qazaqstandyq mamandardyń úlesi artady. Ǵylym jáne joǵary bilim mınıstri Saıasat Nurbektiń aıtýynsha, ýnıversıtettiń úshjyldyq strategıasy bekitilip, jańa qurylymdyq júıelerge jergilikti kadrlardy tartý máselesi qarastyrylyp jatyr.Bul týraly infohub.kz aqparat agenttigi habarlaıdy.

Mınıstrdiń sózinshe, Nazarbaev ýnıversıteti avtonomdy bilim berý uıymy bolǵanymen, onyń basshylyǵymen kelissózder júrgizilgen. «Qazir ýnıversıtette ózimizdiń myqty matematıkter, fızıkter men ǵalymdar bar. Ýnıversıtet basshylyǵy bul faktordy eskeremiz dep ýáde berdi», – dedi ol.

Munyń aldynda Májilis depýtaty Asqat Aımaǵambetov Nazarbaev ýnıversıtetindegi dekan laýazymyna qazaqstandyq mamandardyń sırek taǵaıyndalatyny týraly másele kótergen bolatyn. Bul jaǵdaı qoǵamda talqylanyp, ýnıversıtettiń kadrlyq saıasatyna qatysty túrli pikirler aıtyldy.

Mınıstrlik pen ýnıversıtet basshylyǵynyń kelisimi jergilikti mamandarǵa jańa múmkindikter ashyp, joǵary oqý ornynyń damýyna oń yqpal etedi dep kútilýde.