InfoHub Logo

Qazaqstandyq ǵalymdar otqa tózimdi, janbaıtyn, balqymaıtyn jáne radıasıany ótkizbeıtin erekshe kabel túrin oılap tapty. Bul jańalyq ǵımarattardaǵy órt qaýipsizdigin arttyrýǵa yqpal etedi. Ǵylym jáne joǵary bilim mınıstri Saıasat Nurbektiń aıtýynsha, órtterdiń basym bóligi kabelderdiń aqaýlarynan týyndaıdy, al jańa ónim bul máseleni sheshýge kómektesedi.

Saıasat Nurbek jańashyldyqtyń tıimdiligin dáleldeý úshin Úkimet basshysy O. Bektenovtyń kabınetinde eksperıment jasaǵanyn aıtty.

"Premer-mınıstr senińkiremedi. Sol kezde ol maǵan «zajıgalkańdy ákel» dedi. Men kabeldi jarty saǵat boıy jaǵyp turdym. Biraq ol janbady. Bul kabeldiń sapasy óte joǵary. Byltyr onyń alǵashqy úlken partıasy eksportqa shyqty. Qazir «Ózbekstan temir joldary» ulttyq kompanıasy osy kabelderdi qoldanýda", – dedi mınıstr.

Bul ınovasıalyq kabelder tek Qazaqstanda ǵana emes, sheteldik naryqta da suranysqa ıe bolýda. Aldaǵy ýaqytta olardy qurylys jáne ónerkásip salasynda keńinen paıdalaný josparlanyp otyr. Jergilikti ǵalymdardyń bul jetistigi eldiń ǵylymı áleýetin kórsetip qana qoımaı, eksporttyq múmkindikterin de keńeıtýge jol ashpaq.