Iýtýb jelisinen skrın
Nazarbaevtyń qaryndasy qatysy bar kompanıanyń isi boıynsha sot úkimi shyqty
"Group of the Companies TDA" JSHS men oǵan baılanysy bar tulǵalarǵa qatysty sot sheshimi shyqty. Kompanıa Qytaıdan 100-den astam konteınerdi kontrabandalyq jolmen alyp kirip, jalǵan shot-faktýralar arqyly 10 mlrd teńge kóleminde memleketke zalal keltirgen.
Qarjy monıtorıń agenttiginiń málimetinshe, tergeý kezinde 643 mln teńge búdjetke qaıtaryldy. Sot sheshimimen 1,3 mlrd teńgeniń taýaryna jáne 300 mln teńge turatyn múlikke tyıym salyndy. İspen baılanysy bar 47 seriktes kompanıa 240 mln teńge salyq tólep, esep aıyrysýdy toqtatty.
Almaly aýdandyq sotynyń úkimimen kináliler 1 jyl 4 aıdan 4 jyl 6 aıǵa deıin bas bostandyǵynan aıyryldy. Bir adamǵa halyqaralyq izdeý jarıalandy.
Ashyq derekkózderde TDA quryltaıshylarynyń biri — eks-prezıdent Nursultan Nazarbaevtyń qaryndasy Ánıpa Nazarbaeva ekeni kórsetilgen.
You Might Also Like
-
Sybaılas jemqorlyqqa qarsy ulttyq búronyń eks-basshysy azaptaý faktisi boıynsha ustaldy
-
Qazaqstanda eńbek kitapshasy mindetti qujattar tiziminen alynyp tastaldy
