InfoHub Logo

Toqaev dárigerlerge kúsh qoldanǵandardy qatań jazalaýdy tapsyrdy

Prezıdent Qasym-Jomart Toqaev medısına qyzmetkerlerine kúsh kórsetý faktilerine baılanysty jazany qatańdatýdy tapsyrdy. Bul týraly Memleket basshysynyń keńesshisi ári baspasóz hatshysy Rýslan Jeldibaı málimdedi, dep habarlaıdy "Adyrna" ulttyq portaly.

«Prezıdent Parlament depýtattary, medısına salasynyń ókilderi men belsendi azamattardyń dárigerlerge kúsh kórsetý jáne qatygezdik tanytqandarǵa qatysty jazany kúsheıtý jónindegi usynystaryn qoldaıdy. Osyǵan baılanysty Memleket basshysy Úkimetke zańnamaǵa ózgerister men tolyqtyrýlar engizýdi tapsyrdy. Bul ózgerister azamattyq qoǵam ókilderiniń qatysýymen Parlamentte talqylanatyn bolady», – dedi Rýslan Jeldibaı.

Mundaı sheshimge sebep bolǵan jaıt – Qaraǵandy qalasyndaǵy jekemenshik klınıkada naýqastyń dárigerge qol jumsaǵany. Oqıǵa medısınalyq mekemede bolǵan jáne beınejazbasy áleýmettik jelide keń tarap, qoǵamnyń narazylyǵyn týǵyzǵan edi.

Qoǵamda rezonans týdyrǵan bul oqıǵa medısınalyq qyzmetkerlerdiń qaýipsizdigin kúsheıtý qajettigin taǵy bir márte kórsetip otyr.