Qazaqstanda eńbek kitapshasy mindetti qujattar tiziminen alynyp tastaldy
Qazaqstanda eńbek kitapshasy mindetti qujattar tiziminen alynyp tastaldy
Endi eńbek kitapshasyn alyp júrý – mindet emes. Bul týraly 2025 jylǵy 12 shildede Eńbek jáne halyqty áleýmettik qorǵaý mınıstri Svetlana Jaqypova resmı túrde málimdedi.
Mınıstrdiń aıtýynsha, eńbek qatynastarynyń zamanaýı sıpaty sıfrlyq formatqa kóship jatyr. Endigi jerde eńbek ótili elektrondy eńbek sharttary men turaqty túrde aýdarylatyn zeınetaqy jarnalary arqyly esepteledi. Bul derekter Biryńǵaı esep júıesinde avtomatty túrde tirkeledi.
“Eńbek kitapshasy – eskirgen qujat. Qazir onyń zańdy kúshi joq. Qalasańyz, ony estelik retinde saqtap qoıýyńyzǵa bolady, biraq jumysqa turý kezinde talap etilmeıdi”, – dedi Jaqypova.
Endi jumysqa ornalasý kezinde qaǵaz túrindegi eńbek kitapshasyn suratý qajet emes. Jumys berýshi men qyzmetker arasyndaǵy kelisim elektrondy túrde jasalady, al jumys ótili avtomatty túrde sıfrlyq júıede jınaqtalady.
Mınıstr bul ózgeris azamattardyń eńbek qyzmetin tirkeý rásimin aıtarlyqtaı jeńildetetinin, sondaı-aq qaǵazbastylyqty qysqartyp, memlekettik qyzmetterdiń ashyqtyǵyn arttyratynyn aıtty. Bul eńbek naryǵyn sıfrlandyrý jolyndaǵy mańyzdy qadam retinde baǵalanyp otyr.
You Might Also Like
-
Qyzylorda oblysynda óz áıeline qatygezdikpen shabýyl jasaǵan er adamǵa úkim shyqty. Oqıǵa bıyl, 19 sáýirde bolǵan. Tergeý derekterine sáıkes, pedagog retinde jumys isteıtin er adam túngi saǵat 4:00 sh...
-
Evropa Odaǵynyń 18-shi sanksıalar paketi resmı túrde bekitilmedi – bul joly da Slovakıa áli kúnge deıin veto qoıýda. 9 shildede EU elshiler komıtetiniń (Coreper) jıynynda pakettiń maquldanbaǵany habarl...
