InfoHub Logo

OQO, Maqtaral aýdany, Jetisaı qalasy.
Informatıka pániniń ádiskeri
Babashev Madıar Asanovıch

Obektilermen oryndalatyn amaldar (qoldanbaly kýrs baǵdarlamasy)
Túsinikteme hat
Informatıka pánindegi kompúterdiń kómegimen keskinderdi óńdeý jáne redaktorlaý ádisteri kompúterlik grafıka dep atalady. Ár túrli mamandyqtardaǵy adamdar kompúterlik grafıkany óz salalarynda sáıkesinshe qoldanylady. Olar – ár túrli qoldanbaly jáne ár túrli ǵylymı aımaqtardaǵy izdenýshiler, sýretshiler, qurastyrýshylar, kompúterlik betteýshi (verstka) mamandary, dızaınerler, mýltımedıa - prezentasıalarynyń avtorlary, medısına mamandary, mata ónimderi modelerleri, fotograftar, sáýletshiler, tele jáne beınemontaj mamandary jáne t. b. Kompúter ekranyndaǵy keskinder grafıkalyq programmalar arqyly qurylady jáne rastrlyq, vektorlyq redaktorlar arqyly óńdeledi. «Kompúterlik grafıka jáne dızaın» kýrsynda ılústrasıalar qurý jáne keskinderdi óńdeýge ıaǵnı vektorlyq jáne rastrlyq baǵdarlamalarǵa basty nazar aýdarylady.
Oqýshylardyń shyǵarmashylyq máselesi jeke tulǵa psıhologıasyndaǵy negizgi máselelerdiń biri bolyp tabylady. Oqýshylar shyǵarmashylyǵynyń baıqalýy usynylǵan oılaý tapsyrmalaryn oryndaý sıpaty arqyly anyqtalady. Oqýshylardyń shyǵarmashylyq is - áreketiniń tómendegideı komponentterin ereksheleýge bolady:
- ishki motıvasıasynyń basymdylyq róli;
- máseleni qoıý men ony sheshýde baıqalatyn zertteý jáne shyǵarmashylyq belsendilik;
- sheshimdi boljaı bilý múmkindigi;
- joǵary talǵamdy ónegeli ıntellektýaldy baǵalaýdy qamtamasyz etetin, ıdealdy etalondar qurý qabileti.
Usynylyp otyrǵan elektıvti kýrsta oqýshylardyń shyǵarmashylyǵyn damytý olardyń tanymdyq is - áreketin erekshe jolmen uıymdastyrý arqyly júzege asady. Kýrs baǵdarlamasy oqýshylardyń zertteý jáne shyǵarmashylyq aqýalyn oıatýǵa múmkindik beretin is - áreket túrlerin meńgerýge qajetti jaǵdaılar qurýǵa negizdeledi. Búgingi tańda Photoshop, CorelDraw programmalary kompúterlik dızaın kýrsyn júzege asyrýdaǵy qýatty programmalardyń biri bolyp tabylýda. Bul kýrs mazmuny, oqýshylardyń qyzyǵýshylyǵyn arttyrý jáne keleshektegi kásiptik maqsattaryn júzege asyrýǵa yqpal etý úshin qurastyrylǵan. Baǵdarlama osy atalǵan programmalardy meńgerýge qajetti materıaldar mazmunynan turady. Kýrs aptasyna 10 - 11 synyptarda 1 saǵattan barlyǵy 68 saǵatqa eseptelgen.
Kýrstyń maqsaty

- oqýshylardyń sanasynda álemniń aqparattyq beınesin qalyptastyrý;
- is - áreket quraly retinde kompúterdi paıdalaný múmkindikteri;
- kompúterlik ıntýısıany qalyptastyrý;
- kompúterdi praktıkada tek tıimdi bolǵan jaǵdaıda ǵana paıdalana bilý iskerligin qalyptastyrý;
Operasıalyq oılaý stılin qalyptastyrý: Ol tómendegideı iskerlikterdiń bolýymen negizdeledi:
- esepti formaldaý;
- odan logıkalyq ózindik bólimin ereksheleý, bul bólikterdiń ózara baılanysyn anyqtaý;
- tehnologıalarmen oryndaýǵa qajetti sheshimdi jobalaý;
- nátıjeni anyqtaý;
- kompúter qamtamasyz etetin qazirgi tehnologıalardy paıdalaný arqyly oqýshylardyń belsendi shyǵarmashylyǵyn konstrýktorlyq jáne zertteý daǵdylaryn qalyptastyrý;
- 10 - 11 synyp oqýshylaryna osy baǵdarlamalar quraldaryn mysalǵa ala otyryp, rastrlyq jáne vektorlyq grafıka týraly túsinikterin qalyptastyrý jáne atalǵan programmalardy jeke maqsattaryn júzege asyrýda, bolashaq kásibı qyzmetterinde erkin paıdalanatyndaı dárejede meńgerý.

Kýrs mindetteri:

- keskinderdi saqtaý jáne turǵyzý prınsıpterine tereńirek túsinik qalyptastyrý;
- grafıkalyq faıldardyń formattaryn meńgerýge jáne olardy ár túrli grafıkalyq programmalarda qoldanýda paıdalaný;
- kompúterlik grafıka negizin ár túrli grafıkalyq programmalarda qoldanýdy qarastyrý;
- grafıkalyq programmalar quraldaryn paıdalanyp oqýshylardy ózderiniń jeke keskin jumystaryn qurý jáne redaktorleýge úıretý;
- ár túrli programmalar arasynda grafıkalyq derekter almasýǵa úıretý.