InfoHub Logo

Mańǵystaý oblysy,
Túpqaraǵan aýdany, Baýtın aýyly,
«Aqbota» balabaqshasy «Ózin - ózi taný»
pániniń muǵalimi: Doshımova Jemısqan

Bilim berý salasy: Áleýmettik orta
Uıymdastyrylǵan oqý is - áreketi: Ózin - ózi taný.

Taqyryby: Dostyq neden bastalady
Maqsaty: «Dos», «dostyq» qundylyǵy týraly túsinik berý.
Damytýshylyǵy: Dostarǵa degen meıirimdi qarym - qatynasqa úıretý.
Tárbıeligi: Adal dos, dostasa bilýge tárbıeleý..
Ádis - tásili: kórsetý, áńgimeleý, dáıeksóz, suraq - jaýap, dáptermen jumys, qorytyndylaý.
Kórneki quraldar: taqyrypqa saı sýretter, dápter, hrestomatıa, júreksheler.

Shattyq sheńber
Tárbıeshi: Sálemetsizder me balalar? Amansyńdar ma dostarym!
Men senderdi shattyq sheńberine shaqyramyn. Sheńber arqyly sálemdesemiz.
Balalar: Sálemetsiz be.
Balalar: Sálemetsiz be Sáýle? Men seniń dosyńmyn.
Sálemetsiz ba Jaras? Men senimen dostasqym keledi.

Áńgimelesý
Tárbıeshi: Balalar biz «Ózin - ózi taný áleminiń» kartasyndaǵy ekinshi aıaldamaǵa nazar aýdaraıyq. Sýretten ne kórip turmyz. Bul aıaldamadaǵy sýretke áńgime qurastyrady.
Balalar: Bul sýretten bir - birine qamqor, tatý, adal dostardy kórip turmyz.
Biz osy «Ózin - ózi taný áleminiń», « dostyq» aıaldamasynyń dos, dostyq týraly bilip, bir - birimizben dostasýdy úırenemiz.

Tárbıeshi: Sender dostyq degendi qalaı túsinesińder?
Balalar: Dostar bir - birin jaqsy túsinedi, birge júrgendi unatady. Balabaqshada bir – birimizben dospyz.

Áńgimeleý
V. Oseevanyń «Úsh joldas» áńgimesi.

Tárbıeshi: Qalaı oılaısyńdar, asyn joǵaltqan balanyń dostarynyń qaısysyn shyn, naǵyz dos dep aıta alamyz?
Balalar: Úshinshi bala naǵyz janashyr dos ekenin kórsete bildi.
Tárbıeshi: Sender olardyń ornynda bolsań ne ister edińder.?
Balalar: Men dosyma qolymdaǵy asymdy berer edim. Bólip beremin.

Oıyn. «Meniń dosym»
Tárbıeshi: Balalar, senderdi oıyn oınaýǵa shaqyramyn. Men bir balaǵa dop laqtyramyn da, «Seniń dosyń qandaı?» dep suraımyn. Sender dopty maǵan qaıta laqtyryp, dostarynnyń qandaı ekenin aıtasyńdar?
Balalar: Meniń dosym renjitpeıdi
Meniń dosym aldamaıdy.
Men dosymmen birge oınaımyn.

Dáptermen jumys.
Tárbıeshi: Balalar barlyǵymyzdyń dostarymyz bar. Olar súıkimdi, meıirimdi, qaıyrymdy.. Óz dostaryńdy esterińe túsirip, sýretin salyp kóremiz. Sodan keıin sýretke qarap, dostaryń jaıly áńgimelep beremiz.

Sergitý sáti
(Qımyl - qozǵalyspen kórsetý.)
Ornymyzdan turamyz
Qoldy belge qoıamyz.
Burylamyz solǵa bir.
Burylamyz ońǵa bir
Biz meıirimdi balamyz.
Bizder tatý bolamyz
Gúl – gúl jaınap janamyz.
Jattyǵýlar jasasaq
Jaqsy sergip qalamyz.

Ǵajaıyp sózder.
Tárbıeshi: Balalar sabaqta úırengen ónegeli sózderdi qaıtalap aıtady.
Dostar tatý, meıirimdi bolady.
Dostar bir-birine kómektesedi.

Qorytyndylaý
Tárbıeshi: Búgin biz dostar týraly áńgimelestik. Dostarymyz únemi jaqsy, jyly sózder aıtý kerektigin úırendik. Dostar bir - birine kómektesedi. Dostaryń uzaq, turaqty bolý úshin bir - birlerińe kómektesip, adal bolýlaryń kerek. Sonda ǵana dostyqtaryń berik bolady.
Tárbıeshi; Balalar dostar qandaı bolý kerek?
Balalar: Adal, tatý, meıirimdi, qamqor.
Balabaqshada bir - birimizben dospyz. Renjitpeımiz. Birge oınaımyz.

Júrekten - júrekke.
Tárbıeshi balalarǵa sheńber jasaıdy. Bir - birine tilekterin aıtady. Óz dostarynyń qandaı ekenin aıtyp shyǵady.
Meniń dosym batyr bolsa deımin.
Meniń dosym ádemi ótirik aıtpasa eken deımin.
Meniń dosym ádemi qyz bolsyn.
Meniń dosym sýretshi bolsa eken deımin.
Meniń dosym muǵalim bolǵysy keledi.