InfoHub Logo

Taıaý Shyǵysta ot sharpyǵan tynyshtyq qaıta buzyldy. Izraıl men Iran arasyndaǵy shıelenis qyzǵan sátte álem qaýymdastyǵynyń reaksıasy syrttaı sabyrly, al shyn máninde esepke qurylǵan. Aıyptaýlar bar, áreket joq. Qoldaý kórinbeıdi, biraq kedergi de jasalmaıdy. Bul – búgingi geosaıası teatrdyń aınasy.

Saýd Arabıasy bastaǵan musylman elderi Izraıl shabýylyn málimdemelermen synaǵanymen, shyndyq múlde basqa. Izraıldiń aýyr bombalaýshy ushaqtary Saýdıa aspanynda emin-erkin ushyp, Iran baǵytyndaǵy áýe qozǵalysy tunshyqtyrylýda. Bul jaǵdaı bir ǵana uǵymdy anyqtaıdy: syrttaı ashýmen búrkenip, ishteı múddeni saqtaý.

Iordanıa da dál osy jolmen júr. Izraıl ushaqtaryna jasyl dáliz ashqanymen qoımaı, Iran baǵytyndaǵy drondardy der kezinde qaǵyp túsirip otyr. Al Sırıa – soǵystan kóz ashpaǵan el – jańa basshylyǵy arqyly Izraılge kómek qolyn sozyp otyr degen málimetter tarady. Geosaıası betburystyń taǵy bir núktesi.

Biraq Iran úshin eń aýyr soqqy — senimdi serikterdiń únsizdigi. Reseı men Qytaı – Tegerannyń strategıalyq áriptesteri sanalatyn alpaýyttar. Alaıda olar bul joly málimdemeden ary aspady. Álemdik arenada dıplomatıalyq tynyshtyq Irannyń oqshaýlanýyn odan ári tereńdete tústi.

Iran osyǵan deıin AQSH-pen teke-tireske túsken elderdiń taǵdyryn jaqsy biledi. Saddamnan keıingi Irak qırady. Kaddafıden keıin Lıvıa bólshektendi. Aýǵanstanǵa ornaǵan "demokratıa" bir túnde typ-tıpyl boldy. Bul joly tarıh qaıtalana ma, joq pa — jaýaby tek ýaqyttyń enshisinde.