InfoHub Logo

Qazaqstan men Ózbekstan depýtattary parlamentaralyq yntymaqtastyqty kúsheıtedi

Astana qalasynda ótken kezdesý barysynda QR Parlamenti Májilisiniń tóraǵasy Erlan Qoshanov pen Ózbekstan Olıı Majlısi Zań shyǵarý palatasynyń spıkeri Nýrıddın Ismoılov eki el arasyndaǵy parlamentaralyq baılanysty keńeıtý men birlesken jumysty kúsheıtýge kelisti.

Otyrysta taraptar sońǵy jyldary Qazaqstan men Ózbekstan arasynda joǵary deńgeıdegi ózara saparlar jıilep, mańyzdy tarıhı qujattarǵa qol qoıylǵanyn atap ótti. Atap aıtqanda, Odaqtastyq qatynastar týraly shart, Memlekettik shekarany demarkasıalaý týraly kelisim jáne 2024-2034 jyldarǵa arnalǵan strategıalyq áriptestik baǵdarlamasy.

"Eki el prezıdentteriniń saıası erik-jigeri men danalyǵynyń arqasynda qazaq-ózbek baılanysy buryn-sońdy bolmaǵan bıik deńgeıge jetti. Búginde 100-den astam kelisimnen turatyn berik sharttyq-quqyqtyq baza quryldy", – dedi Erlan Qoshanov.

Májilis spıkeri sondaı-aq prezıdentterdiń yqpaldastyqtyń basym baǵyttaryn aıqyndap, olardy júzege asyrýǵa naqty tapsyrmalar bergenin aıtty. Kezdesý qorytyndysy boıynsha taraptar zańnamalyq deńgeıde ózara is-qımyldy kúsheıtip, ekonomıka, kólik, mádenıet jáne qaýipsizdik salalaryndaǵy birlesken jobalardy qoldaýǵa daıyn ekenderin bildirdi.