Óshem dep ókinbeımin, jylamaımyn,
Jylasam da jubat dep suramaımyn.
Qyrannyń qudiretin qımasańdar,
Qaıteıin, taǵdyryn ber quralaıdyń.
Taǵdyryn ber, taǵdyryn quralaıdyń,
Qashan atyp alǵansha qulamaımyn.
Sýsyndatyp tup-tunyq taý bulaǵy,
Janarymda jaınaǵan tunady aıdyn.
Saırańdaımyn saılarda, qyrdy asamyn,
Syńsyǵan ný ormanmen syrlasamyn.
Qaraýylǵa ileksem, iligeıin,
Quzǵynǵa uqsap kelmeıdi myń jasaǵym.
Óshem dep ókinbeımin, qaıǵyrmaımyn,
Ótken óshti.
Endi oǵan qaırylmaımyn.
Qyran da, quralaı da bolmaq emen,
Atymnan adam qoıǵan aırylmaımyn.
...Arpalysyp júrgende ómirmenen,
Qaı-qaıdaǵa áketpes kóńil degen.
Ólsem ólem, ózimniń jerimde men.
Qalsam qalam, ózimniń elimde men!
Jylamaımyn, sondyqtan kóńildenem.

---