Ókpelettim...
He deıin, ókpelettim,
Ókpeletip qalaısha kóktemekpin.
Seniń qoıǵan mejeńnen attadym da
Shekarańnan shyqtym da, shetke kettim.
Ókpelettim, amal ne, ókpelettim.
Qarashy áne, keledi tań sarǵaıyp,
Syrtqa júrshi, qoıshy endi, tomsarmaıyq!..
Ańdýym-aý, tamasha tań aldynda,
Qyrsyqtyń qytyǵyna qol salmaıyq.
Aqyldym-aý, nege sen qaramaısyń?!
Keıde óziń de qyzyńsyń... baladaısyń...
Kúsh-sezimdi kúres dep sanamaısyń,
Sonda qalaı?
Qalaı dep baǵalaısyń?
Júrshi syrtqa, qarashy tań nuryna,
Tabynaıyq tabıǵat pańdyǵyna.
Tań atady, ketedi bazarshy-kún,
Qazynasyn jınap ap sandyǵyna.
Sergıikshi malynyp tań nuryna,
Ókpeleısiń nesine taǵdyryńa...

---