InfoHub Logo

Otbasy
Otbasy degen ata - ana,
Kiredi oǵan bala da.
Tatýlyqty saqtaıtyn
Bolady onda ata da.
Beretin jaqsy tárbıe,
Úlgi bolar ár kezde.
Ertegi aıtyp bárine
Otyrady áje de.

Ustaz
Kelip edik mektepke,
Qarsy aldy bárin muǵalim.
Jyly júzben kúlgende
Eljireıdi júregim.
Shyn júrekpen bárine
Ustatqyzdy álippe.
Ashqyzǵanda úırendik
Túrli - túrli áripti.
Baýlıdy bizdi muǵalim
Neshe túrli ónerge.
Asý úshin kádege
Berdi bilim bárine.

Súıemin týǵan jerimdi!
Súıemin týǵan elimdi,
Súıemin týǵan jerimdi.
Bárinen de súıemin,
Qazaq degen tilimdi!
Súıemin móldir kólimdi,
Súıemin altyn kúnimdi,
Bul dúnıede súıemin
Musylmandyq dińimdi.
Súıemin máńgi ómirdi
Qazaqpyn dep maqtanam,
Týyp ósken elimde!

Gúlder
Jaıqalyp tur kóp gúlder,
Qyzyl gúlder, kók gúlder.
Kún bárine shýaq berer
Bir - birinen kem túsper,
Ǵajap gúlder, shoq gúlder.
Qyrdaǵy kórkem aq gúlder.
Meıirlense, jyly kún,
Bastaryn bári kóterer.

Nan
Nan qıqymyn baspaıyq,
Jaqsylyqtan qashpaıyq.
Nan untaǵyn kórseńiz,
Torǵaılarǵa tastaıyq!
Eńbek nárin aqtaıyq.
Dıqanǵa raqmet aıtaıyq!
Nan qadirin túsinip,
Este máńgi saqtaıyq!

Jeńis kúni
Jeńis kúni ákeldi ǵajap shattyq,
Sol kúni bárimizde qýanyp jattyq.
Jeńgenimiz árıne batyrlardyń
Sonshama eńbeginen týǵan baqyt.
Rızamyn sondyqtan da osy kúnge,
Tynyshtyqta ótip jatqan myna ómirge.
Bárimiz ata - baba urpaǵymyz
Amanatyn babanyń qorǵaýdamyz.

Ana tilim
Ana tilim – abyroıym, júregim,
Ana tilim – máńgi baqı tiregim.
Ana tilim – dińim meniń serigim
Ana tilim – ardaqtaıtyn óz elim!
Ana tilim – meniń asyl nıetim,
Ana tilim – ómirdegi kóktemim.
Bul dúnıede ana tildi bilgender,
Naǵyz qazaq dep aıtýǵa dóp keler.