InfoHub Logo

1. Birinshi qajettilik – «yńǵaılylyq». Kez kelgen taýar nemese kez kelgen qyzmetti yńǵaılylyq úshin satyp alýǵa bolady. Bul taýar/qyzmetten buryn, satyp alýshy/klıentke baılanysty. Eger taýar/qyzmet yńǵaılylyqtyń deńgeıin kóterýge baǵyttalmaǵan bolsa da, tanystyrý rásimin jasaǵan kezde osyǵan nazar aýdartyp, klıentke emosıonaldy turǵyda satyp alǵysy keletindeı áser etýge bolady, osylaısha tanystyrý rásiminiń maqsatyn oryndaısyz. Kórneki mysal – aıaq-kıim. Yńǵaılylyqqa asa mán beretin aıaq-kıim brendtteri bar.

2. Satyp alýǵa ıtermeleıtin ekinshi ýájdeýshi – senimdilik, qaýipsizdik. Qorǵanysh dabyldamasy, metal esikter, ózin-ózi qorǵaý quraldary nemese seıfterdi adamdar ózin jáne óz dúnıe-múlkin qorǵaý úshin satyp alady. Máseleni ashyp bastańyz, ony birtindep kúrdelendire túsińiz, al keıin sizdiń taýaryńyzdyń osy máseleni sheship bere alatyn artyqshylyqtaryn aıtyńyz.

3. Úshinshi ýájdeýshi – bul bedel. Qymbat saǵattar men qalamdar, qymbat kıimder, portfelder, tanymal brendterdiń kózildirikteri, qymbat kólikter bedeldi bolǵany úshin satyp alynady. Qymbat qalamnyń asa qajettiligi joq, qarapaıym 50 teńgelik sharly qalammen jazýǵa da bolady ǵoı.

4. Satyp alýǵa ıtermeleýshi tórtinshi ýájdeýshi – bul áńgimelesý. Kóptegen zattardy adamdar áńgimeleskisi kelgen úshin alady: jumysqa tort aparý, ishimdikter, gúlder, konfetter jáne t.b. Sondyqtan eger sizdiń taýaryńyz nemese qyzmetińiz áńgimelesýdi jeńildetetin bolsa, klıentter qýana satyp alady.

5. Kelesi ýájdeýshi – bul bilýge qumarlyq. Jańa zatqa degen qumarlyqtan nemese bilgisi kelgennen adamdar neni ǵana satyp almaıdy deseńizshi. Klıentterimizdiń biri onymen kitap dúkeninde bolǵan oqıǵany aıtyp bergen edi. Onda ol «Erkekter jynystyq qatynastan basqa neni oılaıdy» degen taqyryby qyzyq kitapty kórip qalady. Kitap birshama juqa bolǵan, shamamen 200-300 bet; polıetılen oraýyshta bolǵandyqtan paraqtap shyǵý da múmkin bolmaǵan. Baǵasy 300 teńge tóńiregindegi kitap jaqsy ótip jatqan, óıtkeni atymen qyzyqtyryp turdy.

Klıentimiz úıine kelip kitapty ashsa, barlyq beti bos bolyp shyqqan. Osyndaı marketıńtik jolmen baspa qoıyn dápterdi birshama qymbat baǵada satqan.

6. Satyp alýǵa ıtermeleıtin taǵy bir ýájdeme – bul paıda. Paıdaly degenimiz – bul arzan degen emes. Paıdaly – bul basqa taýarlarǵa qaraǵanda osy taýar paıdalyraq bolatynyna klıentti ılandyrý; bálkim, birshama qymbat bolsa da, biraq únemdi nemese ónimdi. Klıentke taýaryńyzdyń barlyq artyqshylyqtary men paıdasyn dáleldeý jáne túsindire bilý – naǵyz óner.

7. Jetinshi túrtki – mártebe. Mundaı saǵatty tanymal saıasatker nemese kásipker taǵady, mundaı kólikti tanymal shoýmen aıdaıdy, bul páterde aqyn turǵan degen dáıekter keıbir adamdardy satyp alýǵa ıtermeleıdi. Birneshe jyl buryn AQSH-ta naryqtyq baǵasy bes-alty mıllıon dollar turatyn úı segiz mıllıon dollarǵa satyldy, sebebi – munda bir kezderi Barak Obama turǵan. Buryńǵy úı qojaıynynyń mártebesiniń arqasynda páter naryqtyq baǵasynan qymbatyraq satyldy.

8. Satyp alýǵa ıtermeleıtin sońǵy ýájdeme – densaýlyq. Adamdar ózderin jaqsy seziný úshin jáne denderi saý bolý úshin aıtarlyqtaı somany jumsaýǵa daıyn. Eger sizdiń taýaryńyz/qyzmetińiz densaýlyqty saqtaýǵa, qorǵaýǵa nemese ony qaıta qalpyna keltirýge tikeleı qatysty bolsa, onda bul adamdardy satyp alýyna úlken sebep bola alady.

---