Photo: Ayazhan (https://www.pexels.com/@ayazhan-3173683) / Pexels
Qazaqstannyń birqatar óńirinde aýa raıy kúrt nasharlaıdy: úsik pen daýyl kútiledi
Jeksenbi kúni Qazaqstannyń birneshe óńirinde aýa raıy kúrt nasharlaıdy. «Qazgıdromet» RMK sınoptıkteri úsik, qar jáne daýyldy jelge baılanysty daýyldy eskertý jarıalady.
Bul týraly Infohub.kz aqparat agenttigi habarlaıdy.
Aımaqtardaǵy aýa raıy boljamy
Abaı oblysynyń soltústiginde túnde jáne tańerteń tuman túsedi, batysynda túnde 1 gradýs úsik kútiledi. Shyǵys Qazaqstan oblysynyń soltústigi men shyǵysynda túnde jańbyr men qar túrinde jaýyn-shashyn bolýy yqtımal, sondaı-aq 2 gradýs úsik boljanady. Aqmola, Pavlodar jáne Soltústik Qazaqstan oblystarynyń keı jerlerinde túnde jáne tańerteń tuman túsedi. Bul óńirlerde joǵary órt qaýpi saqtalady.
Aqtóbe oblysynyń ońtústigi men ortalyǵynda kúndiz shańdy daýyl turyp, jeldiń ekpini sekýndyna 23 metrge deıin jetýi múmkin. Atyraý oblysynyń batysynda túnde jańbyr jaýyp, naızaǵaı oınasa, ózge aýdandarynda shańdy daýyl soǵady. Batys Qazaqstan oblysynyń batysynda túnde ótkinshi jańbyr men naızaǵaı kútiledi, kúndiz shańdy daýyl kóteriledi.
Almaty oblysynyń soltústigi men batysynda jel ekpini sekýndyna 18 metrge deıin kúsheıedi. Jetisý oblysynyń shyǵysy men ortalyǵynda soltústik-shyǵystan soǵatyn jeldiń ekpini keı kezderi 25 m/s bolady. Jambyl oblysynyń taýly aýdandarynda naızaǵaı oınap, ótkinshi jańbyr jaýady, jel ekpini 23-28 m/s deıin jetýi múmkin. Túrkistan oblysynyń soltústiginde shańdy daýyl boljanady, jel ekpini 23 m/s quraıdy. Shymkentte jel ekpini 15-20 m/s bolady.
Qaraǵandy oblysynyń ońtústiginde soltústik-shyǵystan soǵatyn jeldiń ekpini sekýndyna 15-20 metrge jetedi. Ulytaý oblysynda jeldiń ekpini tańerteń jáne kúndiz 15-20 m/s, keı jerlerde 23 m/s deıin kúsheıedi. Qyzylorda oblysynyń basym bóliginde shańdy daýyl kútilip, jeldiń jyldamdyǵy 15-20 m/s, kúndiz oblys ortalyǵynda 23 m/s quraıdy. Bul óńirlerde tótenshe órt qaýpi saqtalady.
Mańǵystaý oblysynda aýa raıy qubylmaly bolady. Oblystyń batysynda, ońtústiginde jáne ortalyǵynda túnde jańbyr men naızaǵaı kútilse, kúndiz ortalyqta qatty jańbyr jaýýy múmkin. Túnde jáne tańerteń óńirdiń batysynda tuman túsedi dep boljanýda.
-
Prezıdent Qasym-Jomart Toqaevtyń saıası sheshimderi men dúnıetanymynyń qalyptasýynda ákesi, jazýshy Kemel Toqaevtyń ádebı murasy men tárbıesiniń róli qandaı?
-
The New York Times gazeti Irandaǵy soǵys saldarynan álemdik munaı baǵasynyń ósýinen paıda kórgen bes eldi atady. Olardyń qatarynda AQSH, Norvegıa, Brazılıa, Reseı jáne Qazaqstan bar.
