Úmitpenen joq qýǵan
Úmitpenen joq qýǵan
Talaby alda balamyz.
Basqalar joǵyn tapqanda,
Bizder qaıtip qalamyz.
Táýekelge bel býsaq,
Kórdegini alamyz.
Jetkizbeı keter júırik joq,
Qýsaq bárin shalamyz.
İs isteıik bir bolyp,
Ashylmasyn salamyz.
Sumdar salǵan júrekte
Az ba bizdiń jaramyz?
Tepkisinde basqanyń,
Qor bop júdep baramyz.
Kórine kózge azapta
Máńgi qaıtip qalamyz?
Oıyńdy endi azat qyl
Qalsyn bylaı balalyq.

---