Kóp jatyp, «hatymker» atyn alyp
Elge aparyp satýǵa?
Á! Bulaı bolsa kerek endi:
Sálde, shapan kıýge;
Múrıt bolyp ıshanǵa bas ıýge,
Jas basymnan taýpyqty sopy bolyp,
Sol esimmen toqty-torym jıýǵa.

Iakı maqsat: molda atanyp tórge otyrý ma,
Et, kymyzǵa qarnyn toltyrýǵa;
Pidıe, zeket, pitirge qapshyq bolyp,
Mılletke mıkrobtigi tıe otyrýǵa?

Bulardyń bar tapqany kózin satý,
Kim ólip, kim jitkenin ańsyp jatý,
Bilmese de álhamnyń ǵıbarasyn,
Jemtik kórse moldamyn dep tisteı qatý.

Iakı maqsat: tilmash bop jem tabý ma,
Jyltyratyp sary túıme shen taǵýǵa;
Kemire-kemire jyrtylǵan jyryq dorba,
Basqalardan kalǵapyn sen qaǵýǵa?
Iakı maqsat: óner, bilim alýǵa,
Alǵa karaı barýǵa.
Namystanyp qorlanyp,
Huqyqtan mahrum qalmaýǵa.

Mıllet kózin ashýǵa,
Teristikten kashýǵa.
Zamanaǵa kez salyp,
Aıaqty jóndep basýǵa.

Jaqsy tuqym shashýǵa,
Darıa Nildeı tasýǵa.
Mıkrob bolǵan nadannyń
Pitinelerin basýǵa.

Óner tuqymyn egýge,
Jaryqqa qaraı kelýge,
Paıda, zıan aıyrsaq,
Júre bermeı jegýge.

Otanymyzdy saqtaýǵa
Aqıqatty jaqtaýǵa.
Biz de basty kótersek,
Qala bermeı taptaýda.
Raqat ómir jasaýǵa,
Bálish bolmaı asaýǵa.

Kim deısiz ár halyqty tentiretken:
Áýelgi úsh túrli oký túpke jetken.
Bul úsheýi kózi batyp kómilgende,
Keıingi jalǵyz maqsat kókke jetken.

Demeımiz ońymady bizdiń halyń.
Bolsa da oqý — anyq, maqsat — tanyq,
Bolsa eger oılaryńda sońǵy maqsat
Esh mundaı bolmas edi artta qalyq.

* Mantyq (arabsha) — sóz, logıka degen uǵymdy bildiredi, bul jerde kitap aty.
* Hatymkárda (arabsha) — belgili bir oqý ornyn bitirýdi aıtady.
* Múrıt (arabsha) — pirge qol tapsyrǵan adam.
* Taýpyqty (arabsha) — bir nárseniń anyq-qanyǵyna jetken kisi.
* Pitir (arabsha) — oraza tusynda adam basyna beriletin sadaqa.
* Álham (arabsha) – quran aıaty. Álhamnyń ǵıbarasyn bilmeý, quran qarasyn tanymaý.
* Huqyq (arabsha) – pravo, mahrum qalý – qur qalý degen sóz.
* Pitine (arabsha) – buzyqtyq, bas buzarlyq.

---