Oqý jyly bıyl da 25 mamyrda aıaqtalady – Bilim mınıstrligi
Qazaqstannyń bilim berý uıymdary oqytýdyń kabınettik júıesine kóshiriledi. Bul týraly QR Bilim jáne ǵylym mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova aıtty.
«Úkimettiń júıeli jumysynyń nátıjesinde oqýshylar oflaın formattaǵy oqýǵa kóshti. İV toqsan barlyq bilim berý uıymdarynda dástúrli (shtattyq) formatta bastalady», - dedi G. Kárimova Ortalyq komýmnıkasıalar qyzmetinde.
7,5 myń orta bilim berý uıymdarynda oqýshylar kontıngenti shamamen 3,6 mln balany quraıdy (2,4 mln. oqýshy qazaq tilinde bilim alady, 65,3 %), bul ótken oqý jylynyń osy kezeńimen salystyrǵanda 200 myń balaǵa artyq. \
Mektep basshylary bilim berý uıymdarynda qoıylatyn sanıtarıalyq-epıdemıologıalyq talaptardyń qatań saqtalýyn qamtamasyz etedi.
«Bıylǵy 24 naýryzda Qazaqstan Respýblıkasynyń aýmaǵynda koronavırýs ınfeksıasy taralýynyń aldyn alý jónindegi vedomstvoaralyq komısıanyń otyrysy ótti. Eldegi epıdemıologıalyq jaǵdaıdyń turaqtanýyn eskere otyryp, Vedomstvoaralyq komısıa bilim berý uıymdarynda oqytýdyń kabınettik júıesine kóshýge ruqsat berý týraly sheshim qabyldady», - dedi komıtet basshysy.
Jalpy, barlyq orta bilim berý uıymdarynda 4-toqsan uıymdasqan túrde bastalady. Oqý toqsanynyń uzaqtyǵy – 8 apta.
Oqý jyly dástúrli túrde bıylǵy jyldyń 25 mamyrynda aıaqtalady.
You Might Also Like
-
Qaı kezeńdi alsaq ta, qoǵamnyń damýy onyń ekonomıkalyq jáne saıası ınstıtýttar jumysynyń belsendiligimen baılanysty emes ekeni belgili. Búginde jahandanýmen betpe-bet kelgen qoǵamnyń rýhanıaty,...
-
Birinshi synypqa baratyndar úshin qujattardy qabyldaý 1 sáýirden bastalady. Bul týraly QR Bilim jáne ǵylym mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova aıtty.
