InfoHub Logo

ASTANA. QazAqparat - Qazaqstan tarıhy mektepterde memlekettik tilde oqytylady. Bul týraly Ortalyq komýnıkasıalar qyzmetinde 2015-2020 jyldarǵa arnalǵan úshtildi bilimdi damytýdyń Jol kartasyn tanystyrý kezinde Y.Altynsarın atyndaǵy Ulttyq bilim akademıasynyń vıse-prezıdenti Marıam Muqatova málim etti.

«Úsh tilde bilim berý - ol tek aǵylshyn tilinde oqytýǵa kóshý degendi bildirmeıdi. Biz bul turǵyda memlekettik tildiń basymdyǵy jóninde umytpaýymyz kerek», - dep toqtaldy. - Sondyqtan da qazirgi kezde Ulttyq bilim akademıasy barsha bilim berý uıymdarynda oqytý tiline qaramastan, «Qazaqstan tarıhy» pánin qazaq tilinde, al «Dúnıejúzilik tarıh»  pánin orys tilinde oqytý máselesin qarastyryp jatyr».

M. Muqatova Ulttyq bilim berý akademıasy janynda Úsh tildi bilim berý ortalyǵy qurylatyndyǵyn, bul óz kezeginde Qazaqstanda úsh tilde bilim berýge kóshý boıynsha jumystarǵa jetekshilik etetinin jetkizdi.

Jol kartasy aıasynda «Bolashaq» baǵdarlamasy túlekteriniń áleýetin paıdalaný eskerilip otyr.

inform.kz

---