Oraldaǵy №11 mektepte balalardyń jappaı tamaqtan ýlanýyna baılanysty tıisti sharalar alyndy
ORAL. QazAqparat - Ótken jylǵy qazan aıynyń sońy men qarashanyń basynda Oral qalasyndaǵy daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq mektep-ınternat kesheninde balalardyń jappaı tamaqtan ýlanýyna baılanysty tıisti sharalar alyndy.
BQO bilim basqarmasynyń bólim basshysy Hajarbıbi Iskandarovanyń aıtýynsha, Oral qalalyq tutynýshylar quqyǵyn qorǵaý basqarmasynyń sanıtarlyq-epıdemıologıalyq tekserý aktisine sáıkes asqananyń 16 qyzmetkeri jumysynan bosatylyp, ornyna jańadan adamdar alyndy. Qyzmettik mindetterin durys atqarmaǵany úshin mektep dırektory men 7 qyzmetker tártiptik jaýapkershilikke tartyldy.
Qazirgi kezde atalmysh mektepte 943 oqýshy bilim alsa, sonyń 570-i tegin tamaqpen qamtamasyz etilgen. Bulardyń ishinde 214-i ınternatta jatady, 296-sy - bastaýysh synyp shákirtteri, 60-y - áleýmettik jaǵynan az qamtylǵan otbasy balalary, jetimder, ata-ana qamqorlyǵynsyz qalǵandar. Qalǵan oqýshylarǵa býfette aqyly qyzmet kórsetiledi.
Aıta keteıik, oblystyq ishki ister departamentiniń baspasóz qyzmetinen túsken málimetke qaraǵanda, osy oqıǵaǵa qatysty qozǵalǵan qylmystyq is boıynsha tergeý áli aıaqtalǵan joq.
inform.kz
You Might Also Like
-
Bul foto 2009 jyly túsirilgen, biraq, muny ǵalymdar tek qazir jarıalap otyr.
-
Jaýaptar 5 baldyq júıemen esepteledi. Tek shyn jaýap berýińiz qajet, sebebi, siz úshin mańyzdy:
