InfoHub Logo

ASTANA. QazAqparat - Búgin Parlament Senatynyń jalpy otyrysynda palata depýtattary «Bilim berý salasyndaǵy kemsitýshilikke qarsy kúres týraly konvensıany ratıfıkasıalaý týraly» QR Zańyn qabyldady. Konvensıa 1960 jyly 14 jeltoqsanda Parıj qalasynda jasalǵan. Aıta keterligi, Konvensıany Keńester Odaǵy 1962 jyly ratıfıkasıalaǵan bolatyn. Qazirgi tańda Qazaqstan Táýelsiz memleket retinde Konvensıaǵa qosylǵaly otyr. Bul rette Qazaqstannyń Konstıtýsıasy men barlyq zańnamasy Konvensıa erejelerine sáıkes keletinin atap ótýge bolady.

Konvensıanyń maqsaty adam quqyqtarynyń jappaı saqtalýyn jáne barlyǵynyń bilim alýǵa  teń qoljetimdiligin qamtamasyz etý úshin ulttar arasyndaǵy yntymaqtastyqty ornatý, sonymen birge, bilim berý salasyndaǵy kez kelgen kemsitýshilikti joıý bolyp tabylady. Jalpyǵa birdeı múmkindikter teńdigi men osy saladaǵy barlyǵyna birdeı qarym-qatynasty kótermeleý qarastyrylady.

Bul rette konvensıadaǵy «kemsitýshilik» sózi násili, túr-túsi, jynysy, tili, dini, saıası nemese ózge de nanymdary, ulttyq nemese áleýmettik tegi, ekonomıkalyq jaǵdaıy nemese týý belgileri boıynsha kez kelgen aıyrmashylyqty, joqqa shyǵarýdy, shekteýdi nemese artyqshylyq berýdi qamtıdy. Onyń maqsaty nemese saldary bilim berý salasyndaǵy qarym-qatynas teńdigin joıý buzý bolyp tabylady.

Konvensıaǵa qatysýshy memleketter bilim berý salasyndaǵy múmkindikter men qarym-qatynastar teńdigin júzee asyrý úshin ulttyq jaǵdaılar men salt-dástúrlerge sáıkes keletin ádisterdi paıdalanatyn jalpy memelkettik saıasatty ázirleýge, damytýǵa septigin tıgizedi. Bul rette bastaýy bilim berýdi mindetti jáne tegin etýge, orta bilimdi onyń túrli nysandaryn jalpyǵa birdeı ıgilik etýge jáne onńy jalpyǵa birdeı qoljetimdiligin qamtamasyz etýge jaǵdaı jasaıdy.

Memleket bastaýysh bilimin almaǵan nemese ony aıaqtamaǵan adamdardy jáne árkimniń qabiletterine sáıkes olardyń bilim alýdy jalǵastyratyn bilim berýdiń laıyqty ádisterimen kótermeleýge jáne damytýǵa mindetti bolady. Oqytýshy kásibine daıarlyqty kemsitýshiliksiz qamtamasyz etýge jaǵdaılar jasaıdy.

«Atalǵan konvensıaǵa Qazaqstannyń qatysýy bilim berý salasyndaǵy halyqaralyq qaýymdastyqpen yqpaldastyqtyń mańyzdylyǵyn kórsetedi. Qazaqstannyń osy saladaǵy halyqaralyq normalardy saqtaýdy jáne ustanatynyn dáleldeıdi», - dedi Bilim jáne ǵylym mınıstri Aslan Sárinjipov.

Parlament qabyldaǵan zań Memleket basshysynyń qol qoıýyna joldanady. 

inform.kz

---